Informasjon og dokument frå høgskulestyret

  Medlemmer i styret
  Møteplan og sakskalender for styret 
  Styredokument (innkallingar, saksdokument og protokollar)

Høgskulestyret er det øvste organet ved institusjonen. Styret har følgjande medlemmer: rektor, prorektor, to medlemmer valde blant tilsette i undervisnings- og forskarstilling, ein medlem valt blant dei teknisk og administrativt tilsette, to medlemmer valde blant studentane og fire eksterne medlemmer. Rektor er styreleiar. 
Les også forretningsorden for arbeidet i styret (Word-dokument)

Styret har følgjande ansvarsområde, jf. Lov om universiteter og høgskoler § 4:

•  Ansvar for at den faglege verksemda held høg kvalitet og for at institusjonen blir driven effektivt og i samsvar med dei lovene, forskriftene og reglane som gjeld og dei rammene og måla som blir gitt av overordna styresmakt. 
• Trekkje opp strategien for institusjonen si utdannings-, forskings- og anna fagleg verksemd og leggje planar for den faglege utviklinga i samsvar med dei måla som er gitt av overordna styresmakt for sektoren og institusjonen.
• Ansvaret for at institusjonen sine økonomiske ressursar og eigedom blir disponert i samsvar med føresegner om dette gitt av departementet, og etter føresetnader for tildelte løyvingar eller andre bindande vedtak.  
• Styret sjølv fastset den interne organiseringa på alle nivå.  Organiseringa må sikre at studentane og dei tilsette blir høyrde. 
• Styret skal kvart år, etter nærare retningslinjer gitt av departementet, gi årsrekneskap med utgreiing om resultata av verksemda og leggje fram forslag til budsjett for komande år. 

Dersom du har spørsmål kring styret sitt arbeid, styredokument, m.m., ta kontakt med Sissel Grete Wahlstrøm, tlf. 70 07 51 17 eller e-post Sissel.Wahlstrom@hivolda.no