Modulplanar interne sist endra 28 05 01 va

 

Fagplanar

for

modulbasert

vidareutdanning

i musikk

 

Første 10-vekttal

Andre 10-vekttal

Tredje 10-vekttal

 

 

 

 

 

 

 

 

Innleiing

Fagplanane for første, andre og tredje 10-vekttaleiningane i musikk ved HSH byggjer på rammeplanane i musikk for 4-årig faglærarutdanning i praktiske og estetiske fag (FALU).

 

 

 

Mål for utdanninga

Rammeplanane for dei ulike 10-vekttaleiningane i musikk i FALU har felles mål. Måla er å forstå som framtidige siktepunkt for alle som tek utdanninga eller deler av denne. Det er viktig på alle nivå at ein som student er bevisst på kva som er framtidige mål, og kor ein står i utviklinga mot desse.

Måla er formulerte slik:

Studentane skal

utvikla handlingskompetanse, kunnskapar og haldningar som fører til personleg vekst, og som gir eit musikkfagleg og pedagogisk grunnlag for å vera lærar i musikk
utvikla forståing for den estetiske dimensjonen i faget, oppøve estetisk og kvalitativ vurderingsevne og få kunnskap om og erfaring med musikk som skapande verksemd
utvikla reflekterte haldningar til fag, elevar og undervisning og få tiltru til eiga potensiale som lærar og interesse for å utvikla seg vidare i faget
utvikla musikalsk skjønn i kontakt med ulike typar musikk, for å forstå samanhengen i den musikalske utviklinga hos barn og unge og for å forstå den musikken barn og unge møter i kvardagen
tileigna seg kunnskapar om musikk som kulturuttrykk og samfunnsfenomen før og no
utvikla evna til å leia musikkaktivitetar innanfor og utanfor skolemiljøet og kunna bruka musikk som ein del av tema- og prosjektarbeid.

Organisering

Rammeplanane er organiserte i målområda

Musisere
Danse
Komponere
Lytte
Reflektere og integrere

Innhaldet i fagplanane byggjer på denne fagstrukturen, men HSH har valt å organisera studiet på dei ulike

10-vekttalseiningane på ein måte som i sterkare grad syner progresjonen i studiet.

10-vekttalseiningane er difor organiserte i modular på to og tre vekttal. Organiseringa byggjer på prinsippa i

K 2000 Musikk; KUF sin rammeplan for modulbasert etter- og vidareutdanning i musikkfaget.

Modulane byggjer i hovudsak på kvarandre. Siste modul innanfor kvar 10-vekttalsgruppe får ein oppsummerande funksjon, der det blir teke omsyn til at sluttføring av modulen samla sett gir studenten

10-vekttalskompetanse.

Eit oversyn over modulane på ulike nivå ser ut som i tabellen under:

 

 

 

 

 

Pensum, studieformer, godkjenning, eksamen

Pensum, studie- og evalueringsformer finn ein i fagplanane. Pensum har ein obligatorisk del og ein sjølvvald del. Den obligatoriske delen er synleggjort for kvar 10-vekttalseining og vil bli spesifisert på modulnivå i semesterplanane. Den sjølvvalde delen av pensum vil bli godkjent av musikkseksjonen etter ein bestemt prosedyre og bestemte kriterier som ein vil finna i semesterplanane. Video, lyttedøme, etc. kan også vera del av pensum.

Oppgåver som skal godkjennast, er spesifiserte i tilknyting til kvar modul. Det same gjeld retningslinjer for evaluering og eksamen.

 

Eit viktig siktemål i musikkutdanninga ved HSH er i større grad enn før å ta i bruk informasjons- og kommunikasjonsteknologi (IKT). For musikkfaget representerer dette ei spesiell utfordring. Same kva for måtar undervisning og rettleiing er organiserte på, er det overordna siktemålet at det kunstnarlege, estetiske og didaktiske særpreget i faget og den heilskaplege kvaliteten i utdanninga må takast vare på.

 

Eit anna viktig siktemål er at kvar einskild student får realisera og vidareutvikla sin eigen kompetanse på ulike felt. I studiet vil studentane bli sett på som ressurspersonar som kan medverka og påverka, som kan laga og produsera og som kan vera synleg fagleg og sosialt internt på høgskulen og i samfunnet elles. Dette gjeld også arbeidet på dei virtuelle arenaane.

 

 

 

Første 10 vt Andre 10 vt Tredje 10 vt