F1-kullet 2006/2007
Periode 2:

Leik - inntrykk og uttrykk

OVERORDNA MÅL for perioden: Studentane skal få betre innsikt i omgrepa sansing, forteljing, meistring og sjølvbilete.
Sjå lenke til sitat frå Rammeplan for barnehagar.
 

Planlegging og gjennomføring av tverrfaglege praksisoppgåver.

ü      Kvar student skal skaffa seg eit oversyn over etablerte forteljestader eller andre ’kulturstader’ i barnehagane, og tenkja ut nye kulturstasjonar i eller omkring barnehagen. Dette skal gjerast i samråd med personalet i barnehagen. Dette oppdraget inngår i kartlegginga av dei didaktiske føresetnadene. Basisgruppene vel ut ein stad frå kvar barnehage for å teikne ei skisse til den virtuelle kulturstien.

ü      Kvar student skal i sin praksisbarnehage etablera og prøva ut ei av dei innøvde forteljingane på ein forteljestasjon i Kulturstien.

ü      Kvar student skal observera/sjå etter korleis dei ulike faga kjem til uttrykk i barnehagen. Nytt dei daglege praksisforteljingane.

ü      Kvar student skal i løpet av praksisperioden prøva ut ein planlagd aktivitet i drama, forming og musikk. Utprøvinga skal vera med ei lita eller større barnegruppe, gjerne med dei minste barna på avdelinga.

Bruk FEMIA som didaktisk planleggingsverktøy.
Minner om at føresetnad for å planleggja ein slik aktivitet, er observasjonar der studenten har fått kunnskap om dei estetiske uttrykka i barnehagen, barns eigne sanseopplevingar (sjå også pedagogikkoppgåva) og generelt om barns utvikling.

Utprøvinga kan gjerast i tilknyting til ei av dei innøvde forteljingane.

Døme på slike aktivitetar kan vera:
- dramafaglege døme: leika noko i forteljinga, dramatisera noko, gå inn i ei rolle, mima ein aktivitet, stå i tablå, sei ein replikk, rolleintervju m.m.

- musikkfaglege døme: laga lydar til stemninga i forteljinga, syngja ein song som høver, laga ein song til ein av personane/dyra, laga ei regle, leika med ordrytmar i forteljinga

- formingsfaglege døme: bearbeida opplevingane til 2 - eller 3 - dimensjonale formingsuttrykk i teknikkar og materiale som t.d. teikning, maling, modellering og konstruksjonar.

     I desse aktivitetane kan faga gå i kvarandre og studentane vert oppfordra til å sjå utprøvingane i eit slikt tverrfagleg perspektiv.

ü     Kvar student skriv ei evaluering/ein rapport etter kvar utprøving. Denne skal leverast til øvingslærar og skal inngå i praksispermen.

Refleksjonsnotat
Gruppa skal dela dei faglege erfaringane sine frå praksis med medstudentar. Notatet skal vere på minst 2 sider og leggjast ut på FRONTER i periodemappa.