Rettleiing til fellesblankett for registrering i Partiregisteret
Du skal skrive partiet sitt namn i felt 1.1. Med partiet
sitt namn meinest det partinamnet som går fram av partiet
sine vedtekter.
Du må krysse av i felt 2.1, dersom eininga tidlegare
ikkje er registrert.
Du må krysse av for "Ja" eller "Nei"
for kvart enkelt punkt i felt 3 i blanketten.
Felt 4 i blanketten, adressa til hovudkontoret, må
du fylle ut. Felt 5 må du fylle ut dersom postadressa
er forskjellig frå det som er gitt opp i felt 4. Felt
6 må du fylle ut dersom verksemda er på ein annan
stad enn det som er gitt opp i felt 4.
Du må alltid fylle ut opplysningar om innsendaren (felt
7).
Riktig organisasjonsform i felt 8 i blanketten vil oftast
vere foreining/lag/innretning. Det enkelte partiet må
likevel sjølv vurdere om denne organisasjonsforma er
korrekt i deira høve.
I felt 9a må du gi opp dato for stifting av partiet.
I felt 11, verksemd/bransje, bør du nytte formuleringa
"partipolitisk organisasjon". Dersom partiet i tillegg
driv anna verksemd, skal også denne verksemda forklarast.
Dagleg leiar, forretningsførar eller tilsvarande kontaktperson
skal du skrive i felt 12. Dette må vere ein fysisk person,
og du må skrive inn fullt namn, adresse og fødselsnummer
(11 siffer).
Du må krysse av for eitt av alternativa i felta 13
og 14.
I felt 20 skriv du inn opplysninger om partiet sitt styre.
Styret er partiet sitt høgste organ mellom årsmøta.
Dette vil ikkje nødvendigvis vere identisk med partiet
sitt utøvande organ etter vallova. Hugs å gi opp fullt namn,
adresse og fødselsnummer for alle rolleinnehavarar.
Kryss av for riktige roller i alternativa til høgre.
Opplysningar om partiet sitt utøvande organ blir melde i eige
vedlegg, sjå vedleggskrava.
Du gir opplysningar om signaturavgjerd i felt 21.
Du gir opplysningar om eventuelle prokuristar i felt 22.
Revisor og regnskapsførar (feltene 23 og 24) skal
og kan kun meldast etter nærare bestemte vilkår.
Eventuell revisor som blir meld, må vere godkjend av
Kredittilsynet og registrert i Revisorregisteret. Eventuell
rekneskapsførar som blir meld, må vere autorisert
av Kredittilsynet.
I felt 28 i blanketten må du gi følgjande opplysning:
"Eininga skal registrerast i Partiregisteret". Du
må også melde særskild kva partinamn som
skal registrerast i Partiregisteret.
Dato og underskrift skal stå i felt 29. Den som er
meld som kontaktperson eller tilsvarande i felt12 i blanketten,
skal skrive under på meldinga.
Meldinga skal sendast til Partiregisteret, 8910 BRØNNØYSUND
Spørsmål om utfylling av registreringsmelding
kan rettast til Opplysningstelefonen på telefonnummer
75 00 75 00.
|
