|
Skal du reise til Brønnøysund, er det mange
måtar å komme seg hit på.
Brønnøysund har eigen flyplass og fleire daglege
avgangar med Widerøe til Trondheim med korrespondanse
til Oslo og Vestlandet, og til Bodø med korrespondanse
vidare i Nord-Noreg.
Reiser du med tog, må du reise til Grong eller Mosjøen.
Det er korrespondanse vidare med buss til Brønnøysund.
Hurtigruta er eit anna alternativ. Den har daglege stopp
i Brønnøysund. Nordgåande hurtigrute kjem
kl. 00.30 med avgang kl. 01.00, og sørgåande
kjem kl.16.00 med avgang kl.17.00.
Kjører du bil, kan du kjøre den vakre Kystriksveien,
RV 17, som går frå Steinkjer til Bodø.
Ønskjer du eit fergefritt samband, kan du kjøre
E6 til Svenningdal i Grane kommune, og ta av på RV 76,
Tosenvegen, som går til Brønnøysund. Tosenvegen
går gjennom eit vilt og vakkert landskap, frå
høgfjell til hav.
Brønnøysund har fleire hotell og overnattingsstader.
Brønnøysundregistra sitt samarbeidshotell er
Torghatten Hotell.
Under finn du ei rekkje lekkjer til hotell og til reiseselskap
der du kan bestille reisa di til Brønnøysund.
|
