(11.12.2002) Brønnøysundregistra ser store
fordelar i Web Services, som er ein teknologi for utveksling
av data mellom datasystem. Teknologien gjer det mogeleg å
integrere datasystem på ulike teknologiplattformer,
både innan eigen organisasjon og mellom forskjellige
organisasjonar.
Ved å byggje eit grensesnitt som er basert på
Web Services rundt datasystema våre, vil vi oppnå
ein tettare integrasjon mellom systema våre og eit meir
heilskapleg IT-konsept for Brønnøysundregistra.
Eit slikt grensesnitt vil gi eksterne samarbeidspartnerar
høve til å integrere sine eigne system med Brønnøysundregistra
sine via Internett, og på den måten skaffe seg
enklare tilgang til grunndata. Det vil sikre mykje større
gjenbruk av grunndata og meir effektivt samspel mellom datasystema
i forvaltninga.
Ein første prøve
Brønnøysundregistra arbeider no med å
tilretteleggje ei løysing der offentlege styresmakter
skal få tilgang til grunndata frå Einingsregisteret
via Web Services. Utviklinga vil gå i etappar. Den første
løysinga vil vere klar tidleg i 2003. Ho skal først
og fremst vise at det fungerer og vere ein demonstrasjon for
interesserte samarbeidspartnerar.
Mykje å spare
Teknologien fungerer uavhengig av maskinvare og leverandør,
og vil gi store gevinstar i form av spart tid, lågare
kostnader og sikrare informasjon. Det vil både det offentlege
og næringslivet dra nytte av.
Bidrag til «eit enklare Noreg»
– Vi ventar oss mykje av Web Services som forenklingsverktøy
både for etatane og brukarane, seier avdelingsdirektør
Geir Ebbesen ved Brønnøysundregistra si opplysningsavdeling.
– Dette vil verkeleg vere eit viktig bidrag på
vegen mot «eit enklare Noreg», legg han til.
Fakta
om Web Services
|
