(13.01.2006) Regjeringa har etablert Kommunalt rapporteringsregister i Brønnøysund. Registeret, som blei sett i drift frå nyttår, skal gi ei elektronisk oversikt over kommunesektoren sine rapporteringsplikter til staten.
Kommunalt rapporteringsregister gir informasjon om ressursbruk og tenesteyting som ulike statlege etatar krev frå kommunar og fylkeskommunar. Betre oversikt over og tilgjenge til slike opplysningar vil vere med på å styrkje gjenbruken av informasjonen, og reduserer dermed risikoen for dobbeltarbeid.
Oppdatert informasjon
Registret viser løpande oppdatert informasjon om den einskilde rapporteringsplikta, oppgåveforvaltaren, heimel og belastningsstatistikk. Informasjonen kan vere nyttig for statlege etatar, kommunar, fylkeskommunar, ulike organisasjonar og media. Opplysningane i Kommunalt rapporteringsregister blir brukte i nasjonale informasjonssystem.
Sjå rapporteringspliktene til kommunesektoren
|
