|
Målet med metadatabasen er å utvide innhaldet
i Oppgåveregisteret slik at forvaltninga og næringslivet
dekkjer sine behov for metadata innanfor området statlege
oppgåveplikter. Prosjektet skal etablere funksjonalitet
som gjer Oppgåveregisteret til eit eigna verktøy
i samband med utvikling av løysingar for elektronisk
innrapportering.
Målgrupper er alle utviklingsprosjekt/organisasjonar
der det skjer elektronisk datautveksling mellom partar.
Bakgrunnen for prosjektet er knytt til regjeringa sin handlingsplan
for småbedrifter og døgnopen forvalting, der
det blir sagt at Oppgåveregisteret bør utvidast
med fleire element av metadata. Fleire prosjekt som arbeider
med å etablere løysingar for elektronisk innrapportering,
signaliserer behov for metadata. Nokre av desse prosjekta
har allereie teke i bruk Oppgåveregisteret som kjelde
for metadata.
Fleire større etatar har i arbeidet med elektronisk
innrapportering sett at Oppgåveregisteret kan gi viktige
bidrag i denne samanhengen. Dette gjeld Skattedirektoratet,
Statistisk Sentralbyrå, Rikstrygdeverket og Brønnøysundregistra.
Skattedirektoratet er den etaten som i dag har kome lengst
med å ta i bruk Oppgåveregisteret på denne
måten. Dette har ført til at Oppgåveregisteret
allereie i dag er blitt ein viktig del av Skattedirektoratet
sin infrastruktur for elektronisk innrapportering.
Oppgåveregisteret har i løpet av første
halvdel av 2001 gått gjennom omfanget av denne utvidinga.
Innhaldet i metadatabasen skal utvidast slik at det samsvarer
med dei krava som er formulerte i ISO-11179 "Spesifisering
og standardisering av dataelement". Innhaldet i metadatabasen
skal ytterlegare utvidast slik at det skal vere mogeleg på
ein automatisert måte å generere ein spesifikasjon
for eit innrapporteringsgrensesnitt. I denne samanhengen er
det aktuelt å generere XML-skjema med ein tilhørande
implementasjonsguide. Ei skisse til denne utvidinga er å
finne på følgjande URL: http://www.edipro.no/getfile.php/3714.177/OR_Rapport_010514.pdf
Kravspesifikasjon for Metadatabaseprosjektet kan du laste
ned i MS
Word-format eller i PDF-format.
Prosjektet tek sikte på at data frå metadatabasen
skal kunne hentast ut i XML-format. Meldingsbeskrivingar skal
følgje XML Schema-standarden, mens applikasjonsbeskrivingar
skal følgje XForms-standarden. Det er laga eit eksempel
på meldingsbeskriving og applikasjonsbeskriving
basert på arbeidet i prosjektet så langt.
|
