|
Reservasjonsregisteret vart oppretta1. januar 2001. I Reservasjonsregisteret
kan privatpersonar reservere seg mot at deira adresse blir
brukt til direkte adressert reklame i posten eller til telefonsal.
Ein reservasjon blir registrert i eit sentralt register. Alle
som sender ut reklame retta mot privatpersonar som kundar,
pliktar å oppdatere listene sine mot Reservasjonsregisteret
seinast tre månader før bruk.
Ei rekkje selskap og organisasjonar driv i dag med marknadsføring
direkte retta mot private kundar, mellom anna ved bruk av
adresselister. Mykje av den adresserte reklamen er send ut
på grunnlag av slike lister, og mange kan kome med på
slike lister utan at dei sjølve ønskjer det.
Dei som ber om det, kan bli sletta frå slike lister,
men ein må ta kontakt med kvart enkelt selskap for å
få namn og adresse strokne.
Reservasjonsregisteret gjer dette enklare ved at publikum
i staden for å vende seg til kvart enkelt selskap, kan
vende seg til ein stad.
Likevel vil mange framleis kunne få reklame for produkt
frå forretningskontaktane sine. Reservasjonen omfattar
berre adressert reklame. Dei som vil reservere seg mot uadressert
reklame, må vende seg til Posten.
Ordninga omfattar berre privatpersonar. Næringsdrivande
verksemder og andre juridiske personar kan ikkje reservere
seg gjennom Reservasjonsregisteret.
Du kan reservere
deg på Internett, telefon 75 00 75 00
eller automatisk telefonsvarar 75 00 75 03.
|
