|
Aksjeselskap og allmennaksjeselskap som ikkje har sendt inn
komplett årsrekneskap til Rekneskapsregisteret innan
seks månader etter at fristen gjekk ut, vil få eit brev kor vi etterlyser den manglande
årsrekneskapen. Selskapa får samtidig frist til
1. april med å levere dette.
Dersom vi ikkje har motteke og godkjend årsrekneskap,
årsmelding og revisjonsmelding før 1. april, kunngjer
vi det i midten av april på Internett (www.brreg.no)
og i lokale aviser. I kunngjeringa blir det gitt ein frist
på to veker før selskapet blir sendt til tingretten.
I midten av mai vil Rekneskapsregisteret orientere den
lokale tingretten om at vilkåra for tvangsavvikling
er oppfylte. Tingretten skal tvangsoppløyse selskapet
utan ytterlegare varsel. Tvangsavviklinga skjer då etter
reglane i konkurs- og dekningslova.
Forseinkingsgebyret må betalast i alle høve.
|
