Studiehandbok 2004/2005

210 Filmformidling

Omfang
15 studiepoeng

Undervisning- og arbeidsformer
Forelesingar og seminar i bolkar over to semester, fagturar, framleggingar av skriftleg arbeid for godkjenning og munnlege øvingar. Kurset nyttar kommunikasjon via intranett som supplement til ordinære undervisningsformer.
Mål
Studentane skal utvikle ei heilskapleg forståing av filmkulturen sin plass i samfunnet, både på eit praktisk og eit teoretisk plan. Dei skal vidare kunne drøfte og hjelpe til med å gjennomføre mål og oppgåver innanfor det offentlege og private filmformidlingsfeltet.

Innhald
Kurset inneheld tre hovudemne:
1. Å sjå, oppleva og analysere film.
Dei levande bilda sine forteljingselement og dramaturgi
Grunnleggjande filmteoretiske problemstillingar
Vurdering av film/drøfting av kvalitetsomgrepet
Praktisk formidling av film gjennom munnlege og skriftlege presentasjonar

2. Filmens estetiske og sosiale historie.
Liner og samanhengar i filmhistoria
Ulike syn på filmen sin funksjon, filmoppleving og filmformidling

3. Organisering og praktisering av ulike former for formidling av film i Norge.
Offentleg film- og mediepolitikk/målsettingar og rammevilkår
Dei viktigaste institusjonane og organisasjonane på filmområdet
Produksjon, import, distribusjon og vising av film
Frå tradisjonell film til digital framtid
Tradisjonelt presse- og informasjonsarbeid som reiskap i formidling av film og nyare former for publikums- og brukarkontakt som for eksempel internett

Evaluering
Obligatorisk skriftleg oppgåve som tel 40 % av samla karakter. Skriftleg individuell 5-timars eksamen som tel 60 %. Graderte karakterar.

Høgskolen i Telemark
Studiehandbok 2004/2005