Studiehandbok 2004/2005

3358 Modernitet og kulturkritikk
(1890-2000)

Omfang
10 studiepoeng

Undervisning
Forelesingar og seminar inntil 3 t/v

Målsetting
Kurset har som mål å gi studentane ei fordjuping i dei omveltingane og brytningane som medvirka sterkast til å forme det 20. hundreåret sitt intellektuelle og kulturelle liv. Særlig vil det bli lagt vekt på dei mange oppgjera med tradisjonelle verdiar og førestillingar. Ein vil nytte tekstar og eksempel frå og om filosofi, politikk, kunst, litteratur og populærkultur for å gi studentane ei breiast mogleg forståing av rørsler og utviklingsliner.

Innhald
Av pensum vil ca. ein fjerdedel (dvs. ca. 200 sider) være generelle og oversynsprega framstillingar av perioden. Den resterande del av pensum vil bestå av tekstutdrag frå verk som kastar lys over og problematiserer aktuelle emne. Kurset vil til dels følgje ein kronologisk utvikling ramma inn av følgjande hovudtema: 1) storbyen, 2) sivilisasjonskritikk, dvs. kulturpessimisme, dekadanse, apokalyptikk, utopisme, avantgarde, motmoderniseringsrørsler, 3) pluralisme, dvs. motkulturar, feminisme, ungdomskultur osv., og 4) flytande modernitet, inklusive nasjonalismekritikk, antikolonialisme, økologisk kritikk og The Third Way.
Studentane skal arbeide ut ei individuell skriftleg semesteroppgåve, med obligatorisk rettleiing. Emne for oppgåva skal avtalas med rettleiar.

Vurdering
Undervegsevalueringa i emnet vil femne om skriftlege prøver og/eller innleveringar som til saman tel 40% av den endelege karakteren. Avsluttande skriftleg eksamen tel 60%. Sluttprøva må vere bestått for å få bestått karakter i emnet. Graderte karakterar.

Høgskolen i Telemark