Studiehandbok 2004/2005

3359 FILOSOFISKE KLASSIKARAR

Omfang
10 studiepoeng

Forkunnskapar
Emne i idéhistorie eller examen philosophicum eller examen facultatum.

Undervising
Undervisinga i kurset vil bestå av inntil tre undervisingstimar pr. veke, fordelt på forelesingar og seminar etter behov. Studentane skal utarbeide ei individuell skriftleg semesteroppgåve, med obligatorisk rettleiing. Emnet for oppgåva skal avtalast med rettleiar. Det kan bli aktuelt for studentane å legge fram materiale dei arbeider med på seminar. Pensum er på ca. 800 sider.

Målsetting
Kurset gir ei innføring i sentrale filosofiske verk og forfattarskap i Vestens tenking frå oldtid og fram til i dag. Sentrale filosofiske idear blir studert og drøfta i lys av argumentasjonen i verka og samtidige tankestrømmingar. Kurset er meint å gi ei fordjuping i filosofisk idémateriale.

Innhald
Filosofiske verk og forfattarskap blir drøfta kronologisk. Hovudvekta vil bli lagt på verk som tar for seg grunnleggande filosofiske idear i hovudsakleg erkjenningsteori, metafysikk og etikk. Desse vil blir studert med vekt på indre argumentasjon og samtidige tankestrømmingar.

Vurdering
Emnet blir avslutta med ein tretimars skriftleg eksamen (obligatorisk for emnet). For å kunne gå opp til eksamen i emnet må studentane ha levert semesteroppgåva innan ein fastsett dato. Ved utrekning av endelege karakterar for kurset tel semesteroppgåva 40% og skriftleg eksamen 60%.

Høgskolen i Telemark