Studiehandbok 2004/2005

3506 Fordjupingsemne i norsk historie

Omfang
10 studiepoeng

Undervisning
Seminar (unntaksvis forelesing)

Målsetjing
Studiedelen skal gje meir omfattande kunnskapar og innsikt i to emne, eitt frå tida før 1800 og eitt frå tida etter 1800, kvart emne med eit pensum på om lag 350 sider. Emna skal studerast særleg inngåande, slik at ein kjenner så vel kjeldegrunnlag som relevant forskingslitteratur, og dessutan kan drøfte tema frå emna i ein meir krevjande fagleg samanheng. Ein føreset naudsynte kunnskapar i norsk historie oversyn.
Til vanleg vil det vere tilbod om undervisning i fleire emne. Undervisninga kan gjerast obligatorisk i eit eller fleire av emna. Studentar som ikkje følgjer undervisning, kan få innskrenka rett til emneval, eventuelt bli pålagde å ta på førehand fastsette emne, sjå semesterkatalogen.

Vurdering/eksamen

1. Mappevaluering med avsluttande heimeoppgåve, som blir gjennomført slik at studentane i løpet av seminarundervisninga leverer to skriftlege oppgåver i kvart emne. Etter avtale med faglærar kan ei av dei skriftlege oppgåvene i eit emne erstattast av ei munnleg framføring i seminaret.
Studentar som ikkje følgjer undervisninga, skal levere oppgåver i samsvar med fristar som står i semesterkatalogen.
I slutten av undervisningsperioden, seinast ei veke før undervisningsslutt, melder den einskilde studenten frå til vedkomande faglærar om kva oppgåve av dei fire/og eller andre tema som ho/han vil arbeide vidare med i ein arbeidsperiode (2 veker) etter avslutninga av seminaret. Med meldinga skal følgje ei skisse/plan for oppgåva, som skal godkjennast av faglærar. Oppgåva må leverast innan fastsett frist. Oppgåvene er individuelle (ikkje gruppeoppgåver/gruppearbeid).
Studentar som tek årsstudiet som fjerde år i ei allmennlærarutdanning, skal skrive oppgåve med didaktisk innhald og problemstillingar relaterte til formidling av faget.
Særordning: Studentar som ikkje følgjer undervisninga, kan få pålegg om å skrive ei oppgåve faglærar gjev, med fastsett frist for innlevering. I tillegg til pensum kan òg annan relevant litteratur (t.d. ein artikkel) og/eller kjeldestoff dragast inn i samband med oppgåvegjevinga. Det går fram av semesterkatalogen om denne ordninga vert gjort gjeldande i det aktuelle semesteret.

2. Det vert halde ei supplerande munnleg prøve. Normalt vil minst ein tredjedel av studentane bli kalla inn til munnleg prøve. Innkallinga skjer ved oppslag, og den munnlege prøva er obligatorisk for dei som blir kalla inn. Heile pensum kan prøvast ved den munnlege prøva. Eksamen vil normalt vere avslutta i byrjinga av mai.
Det vert gjeve ein samla karakter i studiedelen. Alle innleverte arbeid og munnlege prestasjonar tel med i karakteren.

Høgskolen i Telemark