INNHALD

Samandrag

Denne rapporten omtaler påpeikte avvik og merknader innan dei reviderte områda. Systemrevisjonen omfatta følgjande område:

• Alminnelege krav
• Undersøkingar og vegleiing
• Tiltak til utsette grupper
• Helseovervaking

Tokke kommune har skulehelseteneste i alle barneskular, i ungdomsskule og vidaregåande skule. Kommunen er i gang med prosedyrearbeid. Det medisinsk-faglege ansvar blir ivareteke av lege (skulelegen). Kommunen legg til rette for at tilsette kan ta del i fagleg oppdatering. Alle elevar får systematiske medisinske undersøkingar, inkludert skulestart-undersøking. Skulehelsetenesta gjev tilbod om individuell helsevegleiing i vidaregåande skule og er tilgjengeleg ved behov. Skulefysioterapeuten er svært tilgjengeleg for elevane i ungdomsskulealder. Skulehelsetenesta har system for å identifisere elevar med særskilde behov. Det er etablert tverretatlege samarbeidsstrukturar for utsette grupper (basisgruppe) som har regelmessige møte. Det er etablert ansvarsgrupper for elevar med særskilde behov. Skulehelsetenesta deltek i å legge til rette for kronisk sjuke og funksjonshemma barn i skulen. Kommunen har som mål for 2001 å utarbeide oversyn over helseforhold og risiko og har allereie begynt å registrere røykevanar blant skuleelevar. Dette syner at kommunen allereie har tatt initiativ som viser at dei er på rett veg til å ivareta myndigheitskrava på dette område.

Kommunen har lagt fram ei fyldig årsmelding for helsestasjonen/skulehelsetenesta..

Ved tilsynet blei det avdekt 2 avvik frå myndigheitskrava. Det er gitt merknad til 2 tilhøve der det er potensiale for forbetring.

Avvika er detaljert omtala i kapitel 5 og gjelder:

• Kommunen manglar eit internkontrollsystem for skulehelsetenesta.
• Skulehelsetenesta har ikkje oversikt over sjukdom/helsetilstand og risiko blant skuleelevane.

Dei 2 merknadene er omtala i kapitel 5 og er følgjande:

• Dei tilsette manglar stillingsinstruksar/arbeidsomtale.
• Lokaler som vert nytta til helseundersøkingar og vegleiing på Tokke skule, og Dalen vidaregåande skule er ikkje tilfredsstillande.

Dato: 03.07.2001

Rapporten er utarbeidd etter systemrevisjon i Tokke kommune i perioden 07.03.2001 – 10.05.2001. Revisjonen inngår som ein del av fylkeslegen sin planlagde tilsynsverksemd i år.

Føremålet med systemrevisjonen er å vurdera korleis verksemda tek i vare ulike myndigheitskrav ved hjelp av internkontroll. Revisjonen omfatta undersøking om:

• aktivitetar blir utførde slik dei er framstilte skriftleg og muntleg
• verksemda når måla sine og driv verksemda innanfor rammene som styresmaktene har sett.

Ein systemrevisjon vert gjennomført ved gransking av dokumenter, ved intervjuer og ved verifikasjoner. Verifikasjoner inneber å sjekke om rutiner, prosedyrar og instruksar blir følgde opp i praksis, og om dei fysiske forholda tilfredsstiller myndigheitskrava. Rapporten omhandlar avvik og merknader som er avdekte under revisjonen.

• Avvik er definert som mangel påoppfylling av krav som styresmaktene stiller.
• Merknad er tilhøve som ikkje vert omfatta av definisjonen for avvik, men der tilsynet med utgangspunkt i krav som styresmaktene har stilt, avdekkjer potensial for betring.

Tokke kommune har 6 skular med i alt 323 elevar frå fyrste til tiande klasse og ein vidaregåande skule med 128 elevar. Dei tilsette i skulehelsetenesta er leiande helsesyster, kommunefysioterapeuten og kommunelege 2/skulelege. Alle er i heile stillingar og har andre oppgåver i tillegg.

Verksemdas eigen dokumentasjon:

• Oversikt over grunnskular og vidaregåande skule i Tokke kommune
• Oversikt over tilsette som har oppgåver i skulehelsetenesta, Tokke kommune
• Sektorplan: "Rullering av kommuneplanen 1997 –2008 Planoråde 3: Helseteneste og sosial omsorg"
• Tverretatleg plan: "Plan over tverretatlege førebyggande tiltak for utsette barn og unge og familiane deira" m/Retningsliner for basisgruppa i Tokke
• Tverretatleg plan: "Barne- og ungdomsplan for Tokke kommune
• Årsmelding 1999 for Tokke helsestasjon
• Årsmelding 2000 for Tokke helsestasjon
• Årsbudsjett helsestasjon 2001 Tokke kommune
• Mål og mandat for ansvarsgrupper
• Organisasjonskart for helse- og sosialetaten i Tokke kommune

Korrespondanse mellom verksemda og fylkeslegen:

• Frå fylkeslegen 07.03.2001: Varsel om tilsyn med skulehelsetenesta i Tokke kommune 10. mai 2001.
• Frå Tokke kommune 02.04.2001: Vedk. tilsyn med skulehelsetenesta i Tokke 10.05.01.
• Frå fylkeslegen 17.04.2001: Varsel om tilsyn med skulehelsetenesta i Tokke kommune 10. mai 2001.

Systemrevisjonen omfatta følgjande aktivitetar:

Melding om tilsyn blei sendt ut 07.03.2001.

Formøte vart ikkje halde.

Opningsmøte vart halde torsdag 10. mai 2001 kl. 09.00 – 09.30.

Intervjuer
4 personar vart intervjua.

Verifikasjonar
Følgjande verifikasjonar blei gjennomførde:
- Perm med samling av lover, forskrifter m.m. for skulehelsetenesta
- Informasjonsskriv om skulehelsetenesta, om vaksinasjonar, helsekontroll m.m.

Sluttmøte vart halde torsdag 10. mai kl. 14.00 – 14.45.

Avvik 1-1.

Kommunen manglar eit internkontrollsystem for skulehelsetenesta.

Avvik frå følgjande myndigheitskrav:

Lov om statlig tilsyn med helsetjenesten § 3.

Avviket er basert på følgjande observasjonar:

• Kommunen kan ikkje legge fram eit internkontrollsystem for skulehelsetenesta.
• Kommunen har ikkje rutinar som sikrar at dei tilsette har oversikt over regelverkskrava.

Dei tilsette manglar stillingsinstruksar/arbeidsomtale.

Lokaler som vert nytta til helseundersøkingar og vegleiing på Tokke skule, og Dalen vidaregåande skule er ikkje tilfredsstillande.

Det blei ikkje funne avvik eller peikt på merknader på dette området.

Avvik 4-1.

Skulehelsetenesta har ikkje oversikt over sjukdom/helsetilstand og risiko blant skuleelevane.

Avvik frå følgjande myndigheitskrav:

Forskrift om helsetenester i skular av 23.11.1983 nr. 1776, § 3, jf. § 2 andre ledd og Lov om helsetenesta i kommunane av 19.11.1982 nr. 66, § 1-4.

Avviket er basert på følgjande observasjonar:

• Skulehelsetenesta har ikkje skriftlege prosedyrar for overvaking av helsetilstand og risikofaktorar blant skuleelevane.
• Helsetilstanden blant elevane er i liten grad beskrive i årsmelding for skulehelsetenesta eller i annan dokumentasjon.

Oversikt over personer frå verksemda som var direkte involvert i revisjonen.

I tabellen under er det gitt ei oversikt over deltakarane på opningsmøte og sluttmøte, og over kva for personar som blei intervjua.

Frå fylkeslegen deltok:
Fylkessjukepleier Astrid Irene Keltner (revisjonsleiar)
Forebyggingsrådgiver Roger Jensen
Lege Gunnar Andersen