INNHALD

Samandrag

Denne rapporten omtaler påpeikte avvik og merknader innan dei reviderte områda. Systemrevisjonen omfatta følgjande område: 1. Vanlege krav (planlegging, utføring, vedlikehald), 2. Undersøkjing og rettleiing, 3. Tiltak for utsette grupper, 4. Helse- overvaking.

• Kommunen er liten og oversiktleg
• Det er skolehelseteneste ved alle skolane i kommunen. Alle barn får helseundersøkjing ved skolestart.
• Kommunen har etablert internkontrollsystem der skolehelsetenesta inngår. Plan for skolehelsetenesta er under revisjon.
• Kommunen har ikkje rutinar som sikrar at personalet er kjent med regelverk og faglege standardar.
• Tverretatlege møter har uklår struktur og føremål.
• Ved revisjonen vart det konstatert 2 avvik. Det vart grunnlag for 3 merknader.

Dato: 27. mars 2001

1. Innleiing

Rapporten er utarbeidd etter systemrevisjon ved Aure kommune, 8. februar 2001. Revisjonen inngår som ein del av fylkeslegens planlagde tilsynsverksemd i år og som del av felles tilsyn for alle fylkeslegekontor.

Føremålet med systemrevisjonen er å vurdera korleis verksemda tek i vare ulike myndigheitskrav ved hjelp av internkontroll. Revisjonen omfatta undersøking om:

• aktivitetar blir utførde slik dei er framstilte skriftleg og muntleg
• verksemda når måla sine og driv verksemda innanfor rammene som styresmaktene har sett
• det vart spesielt lagt vekt på skolehelsetenesta i vidaregåande skole

Systemrevisjonen vart gjennomført ved gransking av dokument, ved intervju og ved verifikasjonar av rutinar, prosedyrar, om instruksar blir følgde opp i praksis, og om dei fysiske forholda tilfredsstiller myndigheitskrava. Rapporten omhandlar avvik og merknader som er avdekte under revisjonen.

• Avvik er definert som mangel på oppfylling av krav som styresmaktene stiller.
• Merknad er tilhøve som ikkje vert omfatta av definisjonen for avvik, men der tilsynet med utgangspunkt i krav som styresmaktene har stilt, avdekkjer potensial for betring.

2. Skildring av verksemda - særlege tilhøve

Frå 1.september 2000 vart helsesøsterstillinga besatt av sjukepleiar. Nyoppretta ½ stilling som helsesøster vart besatt frå 1.februar 2001. Fysioterapeut tilsatt januar 2001.

3. Dokumentunderlag

• Kvalitetshåndbok, Helse- og sosialavdelingen
• Generelt om internkontrollhåndboken
• Prosedyrehåndbok
• Skolehelseplan for skolene i Aure 1991
• Utkast til plan for skolehelsetjenesten 2001
• Aure kommune, utskrift av møtebok, delegasjonsreglement
• Div. orienteringsbrev til elev, foreldre/foresatte

Dokumentasjon hos fylkeslegen: Smittevernplan , katastrofeplan, samt rapport i samband med "Opptrappingsplan for psykisk helse"

4. Gjennomføring

Systemrevisjonen omfatta følgjande aktivitetar:

Melding om tilsyn vart sendt ut 4. januar 2001

Formøte vart ikkje halde.

Opningsmøte vart halde 8. februar 2001

Intervju: Fire personar vart intervjua

Verifikasjon: Synfaring ved helsesøsterkontor

Sluttmøte vart halde 8. februar 2001

5. Reviderte områder og funn

Område 1: Vanlege krav (planlegging, utføring, vedlikehald)

Avvik 1

Avvik frå:

Lov om statlig tilsyn med helsetjenesten § 3,1. ledd:

"Enhver som yter helsetjeneste skal etablere internkontrollsystem for virksomheten og sørge for at virksomheten og tjenester planlegges, utføres og vedlikeholdes i samsvar med allment aksepterte faglige normer og krav fastsatt i medhold av lov eller forskrift."

Avviket er basert på følgjande observasjonar:

• Kommunen har ikkje prosedyrar som sikrar at leiinga og dei som arbeider i skolehelsetenesta vert kjend med dei krav og faglege retningslinjer som styresmakta stiller.

Område 2: Undersøkjing og rettleiing.

Det vart ikkje funne avvik på dette området.

Merknad 1
Tre små skolar har lite tilfredstillande lokalar for helseundersøkjingar.

Område 3: Tiltak for utsette grupper.

Avvik 2

Avviket frå:

Forskrift for skolehelsetjenesten § 3 andre punkt:

Avviket er basert på følgjande observasjonar:

• Det ligg ikkje føre referat frå møta. Det ligg ikkje føre dokumentasjon på kva for ansvar og mynde den einskilde etat har. Samtykke frå elev eller føresett vert ikkje innhenta.

Det manglar system / rutinar som sikrer at personalet ved skolane får råd og rettleiing når det gjeld tilrettelegging for kronisk sjuke og funksjonshemma elevar.

Merknaden er basert på følgjande observasjonar:

• Det låg ikkje føre skrevne prosedyrar som sikrer aktivt og målretta samarbeid og informasjon til personalet i skolane.

Område 4: Helseovervaking

Det vart ikkje funne avvik på dette området.

6. Deltakarar ved tilsynet

Oversikt over personar frå verksemda som var direkte involvert i revisjonen.

I tabellen under er det gitt ei oversikt over deltakarane på opningsmøte og sluttmøte, og over kva for personar som blei intervjua.

Frå fylkeslegen deltok:
Underdirektør, Karsten Vingen, revisor
Kontorsjef, Einar Andersen, revisor
Rådgjevar Aslaug Solberg, revisjonsleiar