INNHALD

Samandrag

Denne rapporten omtaler påpeikte avvik og merknader innan dei reviderte områda. Systemrevisjonen omfatta følgjande område: 1. Vanlege krav (planlegging, utføring, vedlikehald), 2. Undersøkjing og rettleiing, 3. Tiltak for utsette grupper, 4. Helse- overvaking.

• Kommunen har etablert internkontrollsystem der skolehelsetenesta inngår
• Personalet er kjent med regelverk og faglege standarar
• Gode kartleggingar av helsetilstanden til barn og ungdom i regi av kommunen
• Vidaregåande skole har ikkje skolehelseteneste
• Lite egna skolehelsekontor i ungdomskolen

Ved revisjonen vart det konstatert 2 avvik. Det vart grunnlag for 3 merknader.

Dato: 8. mai 2001

1. Innleiing

Rapporten er utarbeidd etter systemrevisjon ved Sula kommune, 21. februar 2001. Revisjonen inngår som ein del av fylkeslegens planlagde tilsynsverksemd.

Føremålet med systemrevisjonen er å vurdera korleis verksemda tek i vare ulike myndigheitskrav ved hjelp av internkontroll. Revisjonen omfatta undersøking om:

• aktivitetar vert utførde slik dei er framstilte skriftleg og muntleg
• verksemda når måla sine og driv verksemda innanfor rammene som styresmaktene har sett
• det vart spesielt lagt vekt på skolehelsetenesta i vidaregåande skole

Systemrevisjonen vart gjennomført ved gransking av dokument, ved intervju og ved verifikasjonar av rutinar, prosedyrar, om instruksar blir følgde opp i praksis, og om dei fysiske forholda tilfredsstiller myndigheitskrava. Rapporten omhandlar avvik og merknader som er avdekte under revisjonen.

• Avvik er definert som mangel på oppfylling av krav som styresmaktene stiller.
• Merknad er tilhøve som ikkje vert omfatta av definisjonen for avvik, men der tilsynet med utgangspunkt i krav som styresmaktene har stilt, avdekkjer potensial for betring.

2. Skildring av verksemda - særlege tilhøve

Ingen særlege tilhøve

3. Dokumentunderlag

Verksemda sin eigen dokumentasjon:

• Kvalitetshandbok for legekontoret nivå 2

Utdelt under tilsynet:

• Kvalitetshandbok helsestasjon / skolehelsetenesta nivå 2
• Kvalitetshandbok nivå 1
• Årsmelding for helse og sosialsektoren, for kultur, næring- og miljøsektoren og utekontakten
• Skriv om "Samtak" tverrfagleg gruppe
• Notat tverrfagleg team ved Sula u-skule
• Annonse "helsesøster – 70% stilling"
• Distribusjonsliste kvalitetshandboka
• Prosedyre avvikshandtering

4. Gjennomføring

Systemrevisjonen omfatta følgjande aktivitetar:

Melding om tilsyn vart sendt ut 4. januar 2001

Formøte vart ikkje halde.

Opningsmøte vart halde 21. februar 2001

Intervju: Fem personar vart intervjua

Verifikasjon: Synfaring ved skolehelsekontoret

Sluttmøte vart halde 21. februar 2001

5. Reviderte områder og funn

Område 1:

Vanlege krav (planlegging, utføring, vedlikehald)

Avvik 1

• Det var ikkje eintydig oppfatning om kven som har det medisinsk faglege ansvaret for skolehelsetenesta

Avvik frå:

Forskriftens § 7 , første ledd, "Den lege som har det medisink-faglige ansvaret for helsetjenesten i kommunen skal ha det overordnede medisinske ansvar for kommunens skolehelsetjeneste."

Avviket er basert på følgjande observasjon:

• Det er ikkje eintydig oppfatning av organiseringa av tenesta.
• Det er uklårt kva for ansvar og oppgåver den einskilde helsearbeidar har i skolehelsetenesta. Organiseringa og det medisinsk faglege ansvar var ikkje avklara i kvalitetshandboka for skolearbeidet.

Merknad 1

Ny " Veileder for helsestasjon og skolehelsetjenesten" vert ikkje systematisk nytta i tenesta.

Merknaden er basert på følgjande observasjon:

• Veileder for helsestasjons og skolehelsetjenesten vert lagt til grunn for arbeidet.

• Det gjekk fram av intervjua at veileiaren berre delvis er tatt i bruk.

Område 2:

Avvik 2

• Det er ikkje skolehelseteneste i vidaregåande skole

Avvik frå:

Forskrift om helsetjenester i skoler § 2 ,jf § 1:

§1 "Virkeområde - Forskriften gjelder forebyggende helsearbeid for barn og ungdom i skolealder som følger undervisning i skoler som omfattes av lov om videregående opplæring" §2 " Skoler som nevnt i § 1 skal ha en helsetjeneste i overenstemmelse med denne forskrift………."

Avviket er basert på følgjande observasjon:

• Det vert hevda at dette er ei bevisst handling frå kommunen si side p.g.a. ressurssituasjonen i skolehelsetenesta.
• I årsmeldingane frå skolehelsetenesta har kommunen vore orientert om at vidaregåande skole er utan helseteneste.

• Uforsvarleg skolehelsekontor i ungdomskolen
• Ikkje eigne skolehelsekontor i barneskolane
• Merknaden er basert på følgjande observasjonar:
• Helsesøster får tildelt ulike lokalitetar i barneskolane for helseundersøkjingar
• Helsekontoret i ungdomskolen er "lite triveleg" og manglar naudsynt utstyr. Vidare er kontoret sers lytt og det er uklårt om kontoret tilfredstill krav til teiing.

Område 3:

Tiltak for utsette grupper

Det vart ikkje funne avvik på dette området

Område 4:

Helseovervaking

Det vart ikkje funne avvik på dette området.

Merknad 3
Det er uklårt om skolehelsetenesta gir råd på ein systematisk måte til personalet i skolen når det gjeld tilrettelegging for kronisk sjuke og funksjonshemma barn og unge.

Merknaden er basert på følgjande observasjonar:

• Fysioterapeutressursar vert retta inn mot barn og ungdom.
• Det er ikkje dokumentert kva for rutinar skolehelsetenesta følgjer.

6. Deltakarar ved tilsynet

Oversikt over personer frå verksemda som var direkte involvert i revisjonen.

I tabellen under er det gitt ei oversikt over deltakarane på opningsmøte og sluttmøte, og over kva for personar som blei intervjua.

Frå fylkeslegen deltok:
Rådgjevar Aslaug Solberg, revisjonsleiar
Underdir. Einar Andersen, revisor
Ass.fylkeslege Karsten Vingen, revisor