INNHALD

Samandrag

Denne rapporten omtaler påpeikte avvik og merknader innan dei reviderte områda. Systemrevisjonen omfatta følgjande område: 1. Vanlege krav (planlegging, utføring, vedlikehald), 2. Undersøkjing og rettleiing, 3. Tiltak for utsette grupper, 4. Helse- overvaking.

• Liten og oversiktleg kommune
• Personalet i skolehelsetenesta er kjent med sentrale krav og faglege standardar.
• Kommunen har ikkje etablert internkontrollsystem der skolehelsetenesta inngår. Plan for ferdigstilling ligg ikkje føre.
• Ved revisjonen vart det konstatert 2 avvik. Det vart grunnlag for 5 merknader.

Dato: 27. mars 2001

1. Innleiing

Rapporten er utarbeidd etter systemrevisjon ved Tustna kommune, 7. februar 2001. Revisjonen inngår som ein del av fylkeslegens planlagde tilsynsverksemd i år.

Føremålet med systemrevisjonen er å vurdera korleis verksemda tek i vare ulike myndigheitskrav ved hjelp av internkontroll. Revisjonen omfatta undersøking om:

• aktivitetar blir utførde slik dei er framstilte skriftleg og muntleg
• verksemda når måla sine og driv verksemda innanfor rammene som styresmaktene har sett

Systemrevisjonen vart gjennomført ved gransking av dokument, ved intervju og ved verifikasjonar av rutinar, prosedyrar, om instruksar blir følgde opp i praksis, og om dei fysiske forholda tilfredsstiller myndigheitskrava. Rapporten omhandlar avvik og merknader som er avdekte under revisjonen.

• Avvik er definert som mangel på oppfylling av krav som styresmaktene stiller.
• Merknad er tilhøve som ikkje vert omfatta av definisjonen for avvik, men der tilsynet med utgangspunkt i krav som styresmaktene har stilt, avdekkjer potensial for betring.

2. Skildring av verksemda - særlege tilhøve

Ingen særlege tilhøve

3. Dokumentunderlag

Verksemda sin eigen dokumentasjon:

• Forslag til mal for innholdsfortegnelse
• Plan for skolehelsetenesta, udatert
• Delegasjonsskriv - kommunens medisinskfaglige – ansvarlige lege
• Utdrag frå årsmelding 1998: " Skolehelsetjenesten har vært lidende p.g.a. at helsesøster har hatt andre oppgaver", frå 1999:---- "skolehelsetjenesten er i ferd med å komme på beina etter å ha haltet litt."
• Forslag til ny administrativ organisering i Tustna kommune

Dokumentasjon hos fylkeslegen: Smittevernplan og katastrofeplan for kommunehelsetenesta, samt rapport i samband med "Opptrappingsplan for psykisk helse"

4. Gjennomføring

Systemrevisjonen omfatta følgjande aktivitetar:

Melding om tilsyn vart sendt ut 4. januar 2001

Formøte vart ikkje halde.

Opningsmøte vart halde 7. februar 2001

Intervju: Fire personar vart intervjua

Verifikasjon: Synfaring ved helsesøsterkontoret

Sluttmøte vart halde 7. februar 2001

5. Reviderte områder og funn

Område 1:

Vanlege krav (planlegging, utføring, vedlikehald)

Avvik 1

Avvik frå:

Lov om statlig tilsyn med helsetjenesten § 3,1. ledd:

"Enhver som yter helsetjeneste skal etablere internkontrollsystem for virksomheten og sørge for at virksomheten og tjenester planlegges, utføres og vedlikeholdes i samsvar med allment aksepterte faglige normer og krav fastsatt i medhold av lov eller forskrift."

Kommunane fekk gjennom Nasjonal strategi for kvalitetsutvikling tida fram til 31.12.2000 til å få kvalitetssystem, deriblant IK-system, på plass.

Avviket er basert på følgjande observasjonar:

• IK-system i kommunen er under arbeid. Plan for ferdigstilling ligg ikkje føre.

Merknad 1

Det medisink faglege ansvar er tillagt lege, men organiseringa er uklår.

Det er også uklårt kva for ansvar og oppgåver den einskilde helsearbeidar har i skolehelsetenesta.

Merknaden er basert på følgjande observasjon:

• Det var ikkje eintydig oppfatning om organiseringa.

Merknad 2

Ny " Veileder for helsestasjon og skolehelsetjenesten" vert ikkje systematisk nytta i tenesta.

Merknaden er basert på følgjande observasjon:

• Skolehelseplana som ligg føre er ikkje i samsvar med sentrale myndigheitskrav.
• Plana var ikkje kjent blant personalet.
• Uklårt om kor mykje og kva for teneste elevane får.

Område 2:

Undersøkjing og rettleiing.

Det vart ikkje funne avvik på dette området.

Merknad 3

Ein barneskole har ikkje tilfredstillande lokaler

Merknaden er basert på følgjande observasjonar:

• Dei intervjua nemde alle at ein barneskole ikkje har tilfredstillande lokal eller utstyr til disposisjon for skolehelsetenesta. jfr. § 6 i "Forskrift om helsetjenester i skoler".

Avvik frå:

Forskriftens §3 Oppgaver – tredje strekpkt.

"Skolehelsetjenesten skal omfatte følgende:

• systematisk medisinske undersøkelser ……
• strukturert tverrfaglig samarbeid ……
• rådgivning til skolens personale vedrørende tilrettelegging for integrering av funksjonshemmede barn.
• bistand med undervisning ……"

Avviket er basert på følgjande observasjon:

Det kan ikkje dokumenterast at skolehelsetenesta har rutinar som sikrar at dette vert gjort i det einskilde tilfelle slik at det ikkje kjem av slump om slik rådgiving blir gitt eller ikkje.

Det er ikkje skriftleg dokumentert at det er etablert strukturert tverrfagleg samarbeid med andre instanser. Imidlertid er populasjonen så liten og antal samarbeidspersonar så få at ein antar dette sikrer god koordinering.

Område 4:

Helseovervaking

Det vart ikkje funne avvik på dette området.

Det er ingen systematisert innhenting av data i regi av skulehelsetenesta.

Merknaden er basert på følgjande observasjonar:

• Offentleg statistikk og kunnskap vert til ei viss grad bruka for å synleggjere forekomst og problem på lokalt nivå.
• Det er uklårt om skolehelsetenesta har funksjon som premissleverandør for andre sektorar i kommunen.

6. Deltakarar ved tilsynet

Oversikt over personer frå verksemda som var direkte involvert i revisjonen.

I tabellen under er det gitt ei oversikt over deltakarane på opningsmøte og sluttmøte, og over kva for personar som blei intervjua.

Frå fylkeslegen deltok:
Rådgjevar Aslaug Solberg, revisjonsleiar
Underdir. Einar Andersen, revisor
Ass.fylkeslege Karsten Vingen, revisor