Volda med det karakteristiske Rotsethornet.
Med godt over 3000 studentar og om lag 280 tilsette er Høgskulen i Volda (HVO) den største utdanningsinstitusjonen mellom Bergen og Trondheim. Med dugande fagfolk og aktive studentar framstår Høgskulen i Volda som eit fagleg og kulturelt kraftsentrum i regionen. Volda er kanskje spesielt kjent for medieutdanningane og det gode og aktive studentmiljøet med student-VEKA og dokumentarfilmfestivalen som dei store høgdepunkta.
Volda med det karakteristiske Rotsethornet.
Studietilboda
Høgskulen tilbyr ei rekkje bachelorgrader, 2-årige kandidatstudium og ei lang rekkje andre årsstudium og studieeiningar. I tillegg har HVO seks mastergrader: kulturmøte, grunnskulens norskfag, sosial- og helsefagleg arbeid, nynorsk skriftkultur, samfunnsplanlegging og spesialpedagogikk.
Forsking og utviklingsarbeid
HVO samarbeider tett med Møre-forsking Volda. I dei komande åra vil høgskulen satse på forsking og kompetanseoppbygging innanfor følgjande fagområde: kommunikativ planlegging og utvikling, nynorsk skriftkultur, utdanningsforsking, velferdsforsking, kulturproduksjon og kulturformidling, journalistikk, doktorgrad i samfunnsarbeid. [www.hivolda.no/fou]
Etter- og vidareutdanning
Høgskulen i Volda ønskjer å vere ein aktiv og dialogsøkjande aktør innan-for dette viktige feltet. Som den største kompetanseleverandøren i regionen tilbyr HVO ei rekkje studietilbod som nettstudium, deltid og/eller desentralisert. Studiesenteret i Kristiansund og Kompetanse-senteret for kulturproduksjon og kulturformidling er viktige delar av denne satsinga.
Høgskulen i Volda | Postboks 500 | 6101 Volda |
T: 70 07 50 00 | F: 70 07 50 51 | postmottak@hivolda.no
>> Bygg- og områdekart over Volda og høgskulen