Studienplan Fernstudium Deutsch 2005/2006

ÅRSSTUDIUM I TYSK SOM FJERNSTUDIUM

Fageining og spesialisering
Årsstudiet i tysk som fjernstudium utgjer 60 studiepoeng. Studiet er sett saman av fire emne, kvart på 15 studiepoeng:
TYS161 Grunnemne i tysk språk I
TYS162 Tyskspråkleg kultur
TYS163 Grunnemne i tysk språk II
TYS164 Tyskspråkleg litteratur

Årsstudiet i tysk kan gå inn i ein bachelorgrad, anten som del av ei spesialisering i tysk eller som støttefag i bachelorgraden. Ei spesialisering i tysk skal, i tillegg til dei 60 studiepoenga på 100-nivå (årsstudiet), innehalde 30 studiepoeng på 200-nivå.

Mål / Innhald
Tyskstudiet skal øve studentane i praktisk språkdugleik (skriftleg og munnleg) og gi dei innsikt i tysk språk og dei tyskspråklege landa sin litteratur, kultur og samfunnsforhold. I språkdelen av studiet skal studenten tileigne seg kunnskapar om tysk grammatikk/språkstruktur i ei rekkje sentrale tema og få innsikt i tysk språkutvikling med hovudvekt på nyhøgtysk. Litteraturdelen omfattar ei generell innføring i tyskspråkleg litteraturhistorie og litterær analyse. I kulturdelen skal studenten vinne kunnskap om utvalde tema innan tyskspråkleg kultur i historisk og samfunnsmessig samanheng. Studiet legg vekt på å utvikle eit reflektert og sjølvstendig forhold til stoffet gjennom varierte skriftlege og munnlege øvingsoppgåver.

Oppstart
Årsstudiet i tysk som fjernstudium startar opp annakvart vårsemester.
Årsstudiet er eit deltidstidsstudium. Undervisninga i kvart emne går over to semester. I 1. og 2. semester blir det undervist i TYS161 og TYS162, og i 3. og 4. semester TYS163 og TYS164.

Tilrådde forkunnskapar
Det blir tilrådd at studentane har kunnskapar i tysk tilsvarende B/C-språk frå vidaregåande skole.

Undervisning
Undervisningstilbodet, som føreset aktiv deltaking frå studentane, omfattar både synkron og asynkron undervisning på nettet. Hovuddelen av undervisninga vil vere synkron nettundervisning. Her nyttar ein LINGO-plattformen (http://cmc.uib.no/dreistadt/). I den asynkrone delen vil studentane få nettbaserte arbeidsprogram, bl.a. i eit diskusjonsforum der dei får i oppgåve å diskutere og utdjupe stoffet som har vore behandla i den synkrone undervisninga. Det vil bli utarbeidd undervisningsbrev, supplerande materiale, oppgåver o.l. som alle vil vere tilgjengelege i eigne elektroniske kursarkiv.

I løpet av studiet blir det arrangert 3 helgesamlingar kvart semester. Studentane blir sterkt oppmoda om å delta på alle samlingane, deltaking på 2 samlingar per semester er eit minimumskrav.

Rettleiing
Sjå studieplanane for enkeltemna.

Vurderingar / Eksamensformer
Sjå studieplanane for enkeltemna.

Yrkesvegar
Årstudiet i tysk kvalifiserer for undervisning innanfor skoleverket og for anna arbeid både i offentleg og privat sektor der kunnskap om språk, litteratur og kultur er viktig, til dømes informasjonsarbeid, media, reiseliv, omsetjing og eksportretta verksemd.



STUDIEPLAN FOR TYSK ÅRSSTUDIUM SOM FJERNSTUDIUM

Godkjend i AU 11.05.04.


Tyskstudiet skal øve opp den praktiske språkdugleiken (skriftleg og munnleg) til studentane og gi dei innsikt i tysk språk og dei tyskspråklege landa sin litteratur, kultur og samfunnsforhold.

Tysk årstudium som fjernstudium utgjer 60 studiepoeng og er sett saman av fire emne, kvart på 15 studiepoeng:
TYS161 Grunnemne i tysk språk I
TYS162 Tyskspråkleg kultur
TYS163 Grunnemne i tysk språk II
TYS164 Tyskspråkleg litteratur

Undervisninga i kvart emne går over to semester. I 1. og 2. semester blir det undervist i TYS161 og TYS162, og i 3. og 4. semester TYS163 og TYS164.

Emneomtaler

TYS161: Grunnemne i tysk språk I, 15 studiepoeng

Fagleg innhald
Emnet omfattar eit basiskurs i tysk grammatikk og fonetikk, og oppøving av skriftleg og munnleg meistring av språket. Ved språktreninga blir det teke utgangspunkt i tekstar av ulike slag, deriblant også litterære, og det blir arbeidd både med bundne (omsetjing, utfyllingsoppgåver, feilrettingsoppgåver m.m.) og friare øvingar (resyme, essay m.m.).

Læringsmål
Studenten skal tileigne seg gode basiskunnskapar i tysk grammatikk, grunnleggjande dugleik i grammatisk og fonetisk analyse av tysk og utvikle evna til å uttrykkje seg på tysk både munnleg og skriftleg.

Tilrådde forkunnskapar
Det blir tilrådd at studentane har kunnskapar og dugleik i tysk tilsvarande B/C-språk frå vidaregåande skole.

Læremiddelomtale
Pensum omfattar sentrale element i tysk grammatikk (jf. Læringsmål), og dessutan fonetikk og praktisk språkbruk.

Frist for innlevering av pensumliste er 15. oktober.

Undervisningsspråk
Undervisninga går føre seg på tysk.

Undervisningssemester
Undervisninga i TYS161 strekkjer seg over eitt år og har oppstart annakvart vårsemester.

Undervisningsmetodar
Undervisningstilbodet, som føreset aktiv deltaking frå studentane, omfattar både synkron og asynkron undervisning på nettet. Hovuddelen av undervisninga vil vere synkron nettundervisning. Her nyttar ein LINGO-plattformen (http://cmc.uib.no/dreistadt/). I den asynkrone delen vil studentane få nettbaserte arbeidsprogram, bl.a. i eit diskusjonsforum der dei får i oppgåve å diskutere og utdjupe stoffet som har vore behandla i den synkrone undervisninga. Det vil bli vil utarbeidd undervisningsbrev, supplerande materiale, oppgåver o.l. som alle vil vere tilgjengelege i eigne elektroniske kursarkiv.

Obligatoriske aktivitetar
Gjennom studiet må studentane skrive 5 oppgåver, som må vere leverte til faglæraren innan innleveringsfristen for den enkelte oppgåva. 2 av desse oppgåvene er 2-timars instituttinterne skriftlege prøver (jf. Delprøve 1, Vurdering/eksamensformer).

I løpet av studiet blir det arrangert 3 helgesamlingar kvart semester. Studentane blir sterkt oppmoda om å delta på alle samlingane, deltaking på 2 samlingar per semester er eit minimumskrav.

Evaluering
Studium og undervisning blir jamleg evaluerte.

Vurdering / eksamensformer
Det blir arrangert eksamen i TYS161 annakvart haustsemester.

For å kunne gå opp til eksamen må studentane tilfredsstille krava om obligatoriske aktivitetar som er omtala under Obligatoriske aktivitetar.

Eksamen i emnet består av to delprøver. Delprøve 1 består av ei mappe med a) 3 oppgåver av forskjellig karakter og b) 2 instituttinterne skriftlege prøver (jf. Obligatoriske aktivitetar). Delprøve 2 er ei munnleg prøve som tek utgangspunkt i tekstar brukte i undervisninga og også inkluderer ei lydlæreprøve. Delprøve 1 tel to tredelar og delprøve 2 ein tredel av samla karakter for emnet.


TYS162: Tyskspråkleg kultur, 15 studiepoeng

Fagleg innhald
Emnet tematiserer ulike aspekt ved tyskspråkleg kultur frå barokken fram til i dag med utgangspunkt i ulike tekstar og kulturelle uttrykksformer, blant dei skjønnlitterære tekstar, ulike typar sakprosa, film, musikk og biletkunst.

Læringsmål
Studenten skal tileigne seg grunnleggjande kunnskap om utvalde tema innan tyskspråkleg kultur i perioden frå barokken fram til i dag, utvikle eit reflektert forhold til stoffet gjennom analysar av ulike kulturelle uttrykk i historisk og samfunnsmessig samanheng og kunne gi skriftlege og munnlege framstillingar av stoffet på tysk.

Tilrådde forkunnskapar
Det blir tilrådd at studentane har kunnskapar og dugleik i tysk tilsvarande B/C-språk frå vidaregåande skole.

Læremiddelomtale
Pensum omfattar ulike tekstar og kulturelle uttrykksformer, blant dei skjønnlitterære tekstar, ulike typar sakprosa, film, musikk og biletkunst.

Frist for innlevering av pensumliste er 15. oktober.

Undervisningsspråk
Undervisninga går føre seg på tysk.

Undervisningssemester
Undervisninga i TYS162 strekkjer seg over eitt år og har oppstart annakvart vårsemester.

Undervisningsmetodar
Undervisningstilbodet, som føreset aktiv deltaking frå studentane, omfattar både synkron og asynkron undervisning på nettet. Hovuddelen av undervisninga vil vere synkron nettundervisning. Her nyttar ein LINGO-plattformen (http://cmc.uib.no/dreistadt/). I den asynkrone delen vil studentane få nettbaserte arbeidsprogram, bl.a. i eit diskusjonsforum der dei får i oppgåve å diskutere og utdjupe stoffet som har vore behandla i den synkrone undervisninga. Det vil bli vil utarbeidd undervisningsbrev, supplerande materiale, oppgåver o.l. som alle vil vere tilgjengelege i eigne elektroniske kursarkiv.

Obligatoriske aktivitetar
Studentane må skrive 2 obligatoriske oppgåver, à 1500 ord, som må vere leverte til faglæraren innan innleveringsfristen for den enkelte oppgåva. Oppgåvene utgjer ein del av eksamen i emnet.

I løpet av studiet blir det arrangert 3 helgesamlingar kvart semester. Studentane blir sterkt oppmoda om å delta på alle samlingane, deltaking på 2 samlingar per semester er eit minimumskrav.

Evaluering
Studium og undervisning blir jamleg evaluerte.

Vurdering / eksamensformer
Det blir arrangert eksamen i TYS162 annakvart haustsemester.

For å kunne gå opp til eksamen må studentane tilfredsstille krava om obligatoriske aktivitetar som er omtala under Obligatoriske aktivitetar.

Studentane blir vurderte på grunnlag av 2 obligatoriske skriftlige oppgåver à 1500 ord (jf. Obligatoriske aktivitetar), ein munnleg presentasjon på 15 minutt, samt ein samtale på 15 minutt rundt eit pensumrelatert emne. Ved fastsetjing av endeleg karakter tel dei innleverte oppgåvene 60 %, presentasjon og samtale 40 %.


TYS163: Grunnemne i tysk språk II, 15 studiepoeng

Fagleg innhald
Emnet består av grammatiske tema som dekkjer viktige område innan tysk grammatikk (omfang og nivå skal tilsvare framstillinga i ein noko større grammatikk) og ei innføring i tysk språkutvikling, med hovudvekt på nyhøgtysk.

Læringsmål
Studenten skal tileigne seg grundig innsikt i og kunnskapar om tysk grammatikk/språkstruktur i ei rekkje sentrale tema, god innsikt og god dugleik i grammatisk analyse av moderne tysk språk, oppøve evne og dugleik i kontrastiv analyse tysk-norsk og få innsikt i hovudtrekk av tysk språkutvikling med fokus på utviklinga av tysk standardspråk, språkforhold i dei tyskspråklege landa og språkleg variasjon i tysk.

Tilrådde forkunnskapar
Det blir tilrådd at studentane har bestått TYS161 eller tilsvarande.

Læremiddelomtale
Pensum omfattar sentrale element i tysk grammatikk og innføring i tysk språkhistorie. (jf. Læringsmål).

Frist for innlevering av pensumliste er 15. oktober.

Undervisningsspråk
Undervisninga går føre seg på tysk.

Undervisningssemester
Undervisninga i TYS163 strekkjer seg over eitt år og har oppstart annakvart vårsemester.

Undervisningsmetodar
Undervisningstilbodet, som føreset aktiv deltaking frå studentane, omfattar både synkron og asynkron undervisning på nettet. Hovuddelen av undervisninga vil vere synkron nettundervisning. Her nyttar ein LINGO-plattformen (http://cmc.uib.no/dreistadt/). I den asynkrone delen vil studentane få nettbaserte arbeidsprogram, bl.a. i eit diskusjonsforum der dei får i oppgåve å diskutere og utdjupe stoffet som har vore behandla i den synkrone undervisninga. Det vil bli vil utarbeidd undervisningsbrev, supplerande materiale, oppgåver o.l. som alle vil vere tilgjengelege i eigne elektroniske kursarkiv.

Obligatoriske aktivitetar
I løpet av studiet skal studentane skrive 4 obligatoriske øvingsoppgåver som
må vere leverte innan innleveringsfristen for den enkelte oppgåva, og som skal godkjennast av faglærar før studenten kan gå opp til skriftleg eksamen i emnet.

I løpet av studiet blir det arrangert 3 helgesamlingar kvart semester. Studentane blir sterkt oppmoda om å delta på alle samlingane, deltaking på 2 samlingar per semester er eit minimumskrav.

Evaluering
Studium og undervisning blir jamleg evaluerte.

Vurdering / eksamensformer
Det blir arrangert eksamen i TYS163 annakvart haustsemester.

For å kunne gå opp til eksamen må studentane tilfredsstille krava om obligatoriske aktivitetar som er omtala under Obligatoriske aktivitetar.

Eksamen i TYS163 er ein 6-timars skoleeksamen.


TYS164: Tyskspråkleg litteratur, 15 studiepoeng

Fagleg innhald
Emnet omfattar ei generell innføring i historia til den tyskspråklege litteraturen frå det 18. hundreåret fram til i dag og ei innføring i litterær analyse med utgangspunkt i eit utval litterære verk eller utdrag av verk (epikk, dramatikk og lyrikk).

Læringsmål
Med utgangspunkt i dei verka studentane les, skal dei tileigne seg kunnskap om hovudtrekk i utviklinga av den tyskspråklege litteraturen etter ca.1750, grunnleggjande dugleik i litterær analyse gjennom varierte skriftlege og munnlege øvingsoppgåver og utvikle eit reflektert og sjølvstendig forhold til stoffet.

Tilrådde forkunnskapar
Det blir tilrådd at studentane har kunnskapar og dugleik i tysk tilsvarande B/C-språk frå vidaregåande skole.

Læremiddelomtale
Pensum omfattar eit utval litterære verk, ei kort innføring i litterær analyse og i litteraturhistoria frå det 18. hundreåret fram til i dag.

Frist for innlevering av pensumliste er 15. oktober.

Undervisningsspråk
Undervisninga går føre seg på tysk.

Undervisningssemester
Undervisninga i TYS164 strekkjer seg over eitt år og har oppstart annakvart vårsemester.

Undervisningsmetodar
Undervisningstilbodet, som føreset aktiv deltaking frå studentane, omfattar både synkron og asynkron undervisning på nettet. Hovuddelen av undervisninga vil vere synkron nettundervisning. Her nyttar ein LINGO-plattformen (http://cmc.uib.no/dreistadt/). I den asynkrone delen vil studentane få nettbaserte arbeidsprogram, bl.a. i eit diskusjonsforum der dei får i oppgåve å diskutere og utdjupe stoffet som har vore behandla i den synkrone undervisninga. Det vil bli vil utarbeidd undervisningsbrev, supplerande materiale, oppgåver o.l. som alle vil vere tilgjengelege i eigne elektroniske kursarkiv.

Obligatoriske aktivitetar
Studentane må skrive 2 obligatoriske oppgåver, à 1000 ord, som må vere leverte til faglæraren innan innleveringsfristen for den enkelte oppgåva. Oppgåvene utgjer ein del av eksamen i emnet.

I løpet av studiet blir det arrangert 3 helgesamlingar kvart semester. Studentane blir sterkt oppmoda om å delta på alle samlingane, deltaking på 2 samlingar per semester er eit minimumskrav.

Evaluering
Studium og undervisning blir jamleg evaluerte.

Vurdering / eksamensformer
Det blir arrangert eksamen i TYS164 i slutten av annakvart haustsemester.

For å kunne gå opp til eksamen må studentane tilfredsstille krava om obligatoriske aktivitetar som er omtala under Obligatoriske aktivitetar.

Eksamen er ein 4-timars skoleeksamen og 2 obligatoriske skriftlige oppgåver à 1000 ord (jf. Obligatoriske aktivitetar). Ved fastsetjing av endeleg karakter i emnet tel skoleeksamen 60 % og dei innleverte oppgåvene 40 %.