Stipendiat i rettsvitskap - 2 stillingar ved Det juridiske fakultet
UNIVERSITETET I BERGEN
Stipendiat i rettsvitskap - 2 stillingar ved Det juridiske fakultet
Ved Det juridiske fakultet er det ledig 2 stillingar som stipendiat i rettsvitskap med søknadsfrist 20. desember 2007.
Stipendiatperioden er på 3 år, men kan utvidast til 4 år mot at den som får stillinga utfører 25% pliktarbeid. Det vil verta gjort frådrag i tilsetjingsperioden for eventuelt tidlegare rekrutteringsperiode.
Søkjarar til stipendiatstillingane må ha mastergrad i rettsvitskap eller tilsvarande utdanning. Søkjarane må gjennom karakternivå eller skriftlege arbeid ha vist eit høgt fagleg nivå, som kvalifiserer for rettsvitskapleg arbeid. I tillegg til å fylle det generelle kravet for tilsetjing må søkjarane fylle kravet for opptak på fakultetet sitt PhD-program.
Søkjaren må leggja fram ei prosjektframstilling med utkast til plan for gjennomføring av forskarutdanninga. Søkjaren må og fylle ut skjema for opptak på PhD-programmet. Skjema kan hentast her: http://www.uib.no/info/forskning/forskutd.html
Undervisningsspråket er til vanleg norsk.
Stipendiatane vert løna etter lønssteg 49/54 (kode 1017/LR 20.8) ut frå relevant praksis. For særleg kvalifiserte søkjarar kan det verte aktuelt å vurdere høgare løn.
Kvinner vert særskilt oppmoda til å søkja. Dersom dei sakkunnige finn at fleire søkjarar har tilnærma like kvalifikasjonar, vil reglane om kjønnskvotering i Personalreglementet for vitskaplege stillingar verte følgdd.
Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å få ei balansert alders- og kjønnssamansetjing og rekruttere personar med innvandrarbakgrunn. Personar med innvandrarbakgrunn vert oppmoda om å søkje stillinga.
Universitetet i Bergen nyttar ”meroffentlighet” ved tilsetjing i vitskaplege stillingar.
Den som vert tilsett må rette seg etter dei retningslinene som til kvar tid gjeld for stillinga.
Nærare opplysningar om stillingane og doktorgradsprogrammet kan ein få ved å vende seg til sekretariatet for Det juridiske fakultet, tlf. 55 58 95 50 eller til visedekan, professor Rune Sæbø, tlf. 55 58 95 47.
Søknad, som inneheld fullstendig oversyn over utdanning og tidlegare verksemd, vedlagt kopi av vitnemål og attestar, og vitskaplege arbeid og liste over desse (alt i 3 eksemplar), skal sendast til Det juridiske fakultet, Postboks 7806, Universitetet i Bergen, 5020 Bergen, innan 20. desember 2007.
Søknaden skal merkast: 07/13623.
