Stipendiat i fagdidaktikk i samfunnsfag/samfunnskunnskap
UNIVERSITETET I BERGEN
Det samfunnsvitskaplege fakultet
Stipendiat i fagdidaktikk i samfunnsfag/samfunnskunnskap
Universitetet i Bergen styrkjer no satsinga si på utdanning av lærarar til grunnskole og vidaregåande skole. Den praktisk-pedagogiske utdanninga blir gitt som påbyggingsstudium og i form av integrert lærarutdanning på fire eller fem år. Det samfunnsvitskaplege fakultet gjev i første rekkje bidrag til den eittårige påbyggingsutdanninga, men vil i tida framover også få oppgåver knytt til den integrerte lærarutdanninga. Organiseringa av utdanningstilbodet ved Universitetet i Bergen er endra, slik at den fagdidaktiske delen no er nærare knytt til faginstitutta.
Det samfunnsvitskaplege fakultet har i dag to førsteamanuensisstillingar i fagdidaktikk, ei ved Sosiologisk institutt og ei ved Institutt for geografi. Desse stillingane dekkjer undervisninga i fagdidaktikk innan skulefaga samfunnsfag/samfunnskunnskap og geografi.
For å styrke lærarutdanninga ved Det samfunnsvitskaplege fakultet vert det no lyst ut ei stilling som stipendiat for 4 år i fagdidaktikk i samfunnsfag/samfunnskunnskap. Samla stipendiatperiode er på 4 år. Av denne perioden er 25 % pliktarbeid. Det vil bli gjort frådrag i tilsetjingsperioden for eventuell tidlegare rekrutteringsperiode.
Søkjarar må ha mastergrad eller hovudfag i eitt av faga administrasjon og organisasjonsvitskap, samanliknande politikk, sosialantropologi, sosiologi eller tilsvarande. Det er ei føremon om hovudfagsoppgåva/masteroppgåva har hatt ei fagdidaktisk vinkling. Kandidaten må ha fullført praktisk-pedagogisk utdanning. Søkjarar som kan dokumentere praksis frå skulen, helst frå vidaregåande skule, vil bli prioriterte.
Nærare opplysningar om stillinga kan ein få ved å vende seg til førsteamanuensis Odd Inge Steen, tlf. 55583078, e-post Odd.Steen@geog.uib.no eller førsteamanuensis Svein Rognaldsen, tlf. 55584841, e-post Svein.Rognaldsen@sos.uib.no
Søkjarar kan bli kalla inn til intervju.
Stipendiaten skal gå inn i eit godkjent opplegg for ein PhD -grad innafor ei tidsramme på 3 – tre - år. Kortfatta prosjektskildring (5-8 sider) skal ligge føre saman med søknaden. Prosjektskildringa skal gjere greie for tema, problemstillingar og val av teori og metode. Skildringa skal innehalde framdriftsplan for dei ulike delane av forskingsarbeidet. Nærare opplysningar om PhD- programmet kan ein finna på http://www.svf.uib.no/svfa/forskerutd/forsk_utd_start.shtml Eventuelle spørsmål om doktorgradsprogrammet kan rettast til seniorkonsulent Yngve Brynjulfsen, tlf. 55589068. Ein gjer merksam på at søknad om opptak i doktorgradsprogrammet først skal sendast etter eventuell tilsetjing.
Det er utarbeidd ei rettleiing for søkjarar til stipendiatstilling ved Det samfunnsvitskaplege fakultet og eit søknadsskjema. Dokumenta kan ein også få ved å vende seg til seniorkonsulent Gunnar Storebø, tlf. 55589058, eller e-post: gunnar.storebo@svfa.uib.no
Løn etter lønssteg 43 (kode 1017LR20) ved tilsetjing. Vidare opprykk skjer etter tenesteansiennitet i stillinga (lønssteg 43/47).
Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å få ei balansert alders- og kjønnssamansetjing og rekruttere personar med innvandrarbakgrunn. Kvinner og personar med innvandrarbakgrunn vert spesielt oppmoda om å søkje stillinga.
Universitetet i Bergen nyttar "meiroffentligheit" ved tilsetjing i vitskaplege stillingar.
Den som vert tilsett må rette seg etter dei retningslinene som til ei kvar tid gjeld for stillinga.
Søknad, som inneheld fullstendig oversyn over utdanning og tidlegare verksemd, vedlagt kopiar av vitnemål og attestar (alt i 4 eksemplar), og vitskaplege arbeid og liste over desse (i 3 eksemplar) skal sendast til Det samfunnsvitskaplege fakultet, Universitetet i Bergen, Postboks 7802, 5020 Bergen, innan 16. november. 2007.
Søknaden skal merkast: 07/14007
