Den modulbaserte vidareutdanninga i musikk ved HSH byggjer på rammeplanane i musikk for allmennlærarar (ALU) og 4-årig faglærarutdanning i praktiske og estetiske fag (FFLU).

Desse planane er organiserte i målområda Musisere, Danse, Komponere, Lytte og Reflektere og integrere. Innhaldet i alle modular byggjer på desse målområda, men vektinga av målområda kan vera ulik frå modul til modul. Omfanget av modulane varierer frå 2 til 5 vekttal.

Lærarutdanning ALU og FFLU har felles mål for faget musikk. Måla er å forstå som framtidige siktepunkt for alle som tek utdanninga eller deler av denne. Det er eit viktig siktepunkt på alle nivå at ein som deltakar er bevisst på kva som er eit framtidig mål, og kor ein sjølv står i utviklinga mot målet.

Måla som er sette for fageininga musikk i grunnutdanninga gjeld også for den modulbaserte vidareutdanninga som er skissert i desse fagplanane.

Deltakarane skal

Den modulbasert kompetansegjevande utdanninga ved HSH består av fleire modular frå 2 til 5 vekttal. Studentar som tek fleire modular, kan få kompetansegjevande utdanning på 5 vekttal, 10 vekttal, 20 vekttal eller 30 vekttals nivå. Modulane byggjer i hovudsak på kvarandre slik at studentar må ha gjennomført modul 1 før dei kan få vitnemål frå modul 2, osv.

Siste modul innanfor kvar 10-vekttalsgruppe får ein oppsummerande funksjon der det blir teke omsyn til at sluttføring av modulen samla sett gir deltakaren 10 vekttals kompetanse. Det er likevel ingenting i vegen for at modulane innanfor kvar 10-vekttalseining kan gjennomførast i eit parallelt

studieløp.

På nokre nivå er det lagt til rette for val mellom fleire modular.

Eit viktig siktemål i utdanninga ved HSH er i større grad enn før å ta i bruk informasjons- og kommunikasjonsteknologi (IKT). For musikkfaget representerer dette ei spesiell utfordring.

Uansett kva for ein måte modulane er organiserte på, er det overordna siktemålet vera at særpreget i faget og kvaliteten i utdanninga må takast vare på. I musikkfaget gjer ein det best ved å fastsetja balansen i dei ulike modulane mellom undervisning ansikt til ansikt (ATA) og gjennom IKT ut frå ei slik overordna målsetjing.

Eit oversyn over modulane på ulike nivå ser slik ut:

Pensum, studie og evalueringsformer er spesifisert i fagplanane. Pensum har ein obligatorisk del og ein sjølvvald del. Den obligatoriske delen er spesifisert for kvar 10 vekttalseining og vil blir spesifisert på modulnivå i semesterplanane. Den sjølvalde delen av pensum vil bli godkjent af musikkseksjonen etter ein bestemt prosedyre og bestemte kriterier som er spesifisert i semesterplanane. Video, lyttedøme, etc. kan også vera del av pensum.

Oppgåver som skal godkjennast er spesifisert i tilknytning til kvar modul. Det same gjeld retningslinjer for evaluering og eksamen.