Europaportalen – Dieđut Norgga ovttasbarggu birra Eurohpáin.

Bures boahtin Europaportalenii – Ráđđehusa diehtojuohkinfierpmádahkii, gos leat dieđut Norgga ovttasbarggu birra Eurohpain. Dáppe sáhtát lohkat EU ja EEO, Norgga Eurohpapolitihka ovdáneami, sihkarvuođa ja ovttasbarggu birra Eurohpas ja olu eará áigeguovdilis áššiid birra.

Oaččut maiddái dieđuid EEO-ássiid vuoigatvuođaid ja geatnegasvuođaid, vejolašvuođaid ja váikkuhusaid birra. Sáhtát maiddái lohkat Norgga ovttasbarggu birra buot Eurohpa riikkaiguin.

Čavčča mielde viiddiduvvo Europaportalen ođđa bálvalusain: EEO-notáhttavuorká. Doppe leat buot áššit maiguin hálddahus bargá EU-njuolggadusaid oktavuođas mat galget gieđahallojuvvot dan vuođul ahte sáhttet šaddat EEO-njuolggadussan ja dan olis maiddái Norgga láhkan. EEO-notáhttavuorkkás sáhttet buohkat árrat oažžut dieđuid áigeguovdilis EEO-áššiid birra maiguin Norga bargá. Lassin dasa ahte beassat lohkat EEO-notáhtaid, šaddá EEO-portála bokte maid vejolaš gaskkustit oainnuid dahje gažaldagaid njuolga fágaovddasvástiteaddji departementii.

Europaportalen lea oassin Ráđđehusa Eurohpapolitihkalaš vuđđosa čuovvoleamis. Ulbmilin lea čohkket buot dieđuid ovtta sadjái, vai olbmuide šaddá álki gávdnat ja ávkin atnit daid. Lassin dasa ahte leat guovddáš diehtočoakkáldahkan, háliida Ráđđehus maiddái ahte Europaportalen lea mielde oččodeame áigái vuđolaš Eurohpaságastallama Norggas.

Bargojuvvo lágidit Europaportalena sisdoalu maiddái sámegillii.

Bargojuvvo lágidit Europaportalena sisdoalu maiddái eŋgelasgillii.