Guolástus- ja riddodepartemeanta - Dieđut Guolástus- ja riddodepartemeanta

Svalbárdda mearrajohtalusa oadjebasvuođa nannen

Arvat doaibmabijut leat juo biddjojuvvon johtui ja galget biddjojuvvot johtui vai sihkkarastet mearrajohtalusa oadjebasvuođa Norgga fávlliin. Ráđđehusa davveguovlostrategiijii gullevaš deaŧalaš oassi lea Svalbárdda biras čázádaga johtalusa oadjebasvuohta. Ráđđehus dainna lágiin áigu dievvasii buoridit davveguovlluid mearrajohatalusa oadjebasvuođa, ii duššefal Norgga fávlliin, muhto maiddái Svalbárddage. (01.12.06)

Ođđa jiekŋagierdi dutkanskiipa

Ráđđehus áigu čielggadit makkár dárbu lea ođđaáigásaš dutkanskiippaide mat sáhttet doaibmat guhkkin davvin. Dakkár skiipa sáhttá háhkat dieđuid vuođđun politihkalaš mearrádusaide ja davveguovlluid hálddašeapmái. Dás lea sáhkan petroleumealáhusa ja guolástusealáhusa ovddideapmi, ja maiddái davveguovlluid birrasa, dálkkádaga ja resurssaid bearráigeahčču ja buoret ipmárdus. (01.12.06)

Fievrridanfieskkit

Buorre infrastruktuvra lea eaktun gávppašeapmái ja ealáhusdoaibmamii. Danne lea ráđđehusa doaibmamušain guovdilis áššin oččodit áigái oadjebas ja buriid fievrridanfiskkiid davveguovlluid miehtá. Ráđđehus áigu doarjut álgaga vuođđudit davvilaš fievrridanfieskki Kiinná ja Davve-Amerihká gaskka (N.E.W. korridovrra), man olis lea gálvosirdin Narviikkas. (01.12.06)

Carsten Smith jođiha lávdegotti mii galgá čielggadit sámiid ja earáid vuoigatvuođa guolástit mearas Finnmárkku olggobealde

Finnmárkkulága meannudeami oktavuođas ávžžuhuvvui Ráđđehus čielggadit gažaldaga das makkár vuoigatvuođat sámiin ja earáin leat guolástit mearas Finnmárkku olggobealde. Finnmárkkuláhka gieđahallá Finnmárkku eatnamiid, jávrriid ja čázádagaid geavaheami ja dáid resurssaid vuoigatvuođaoamasteami. Láhka ii válddahala mearraguolásteami. (30.06.06)

Vieris ávdnasiid ja ekovuogádagaid geahčču nannejuvvo

Ráđđehus áigu nannet mearrabirrasiid ekovuogádagaid ja vieris ávdnasiid geahču. Barentsábi hálddašanplánas ráđđehus árvala ásahit ráđđeaddi joavkku, mii goziha Barentsábi, ja man Mearradutkaninstituhtta jođiha. (31.03.06)

Ráđđehus ásaha birasriskaforuma

Ráđđehus almmuha Barentsábi hálddašanplánas, ahte ásahuvvo birasriskkaid ovttasbargoforum, man bargu laktása dán áhpeguovllu fáhkka nuoskkideapmái. Ráđđehus hálida dan láhkai nannet birasriskkaid árvvoštallanbarggu. Riddodoaimmahat jođiha foruma ja dasa oassálastá viiddis joavku relevánta almmolaš ásahusaid. (31.03.06)

Ovttamielalašvuohta norgga-ruošša 2006 earresoahpamuša hárrái

Doaimmat vealtat lobihis dorskebivdimis Barentsábis ledje guovddáš fáttat norgga-ruošša seahkalas guolástuskommišuvnna. – Mun lean duhtávaš go guolástuskommišuvdna lea vuoruhan dán barggu ja ahte Norga ja Ruošša leaba šaddan ovttaoaivilii bidjat eanet doaimmaid johtui vai váttisvuohta nohká, lohká guolástus- ja riddoministár Helga Pedersen. (14.11.05)



		Oktavuodadiedut Fitnanadreassa: Grubbegt. 1, Oslo Poastadreassa: Postboks 8118 Dep 0032 Oslo E-poasta: postmottak@fkd.dep.no

		Informasjon på norsk
		Information in English