Ná geavahat ohcančoavdaga

Álkis ohcan

Dát lea álkimus, muhto maiddái eahpedárkileamos ohcanvuohki. Čále ohcancealkaga ohcansadjái ja deaddil Oza-boalu.

Rabas geažus

Mii ávžžuhit geavahit trunkerema/rabas gehčosa. Dat mearkkaša ahte čálát muhtun sáni álggu ja bijat dasto trunkerenmearkka. Odin-siidduin lea dát mearka násti (*).

Ovdamearka: Go ozat statsminister* de gávnnat sihke statsminister, statsministeren ja statsministerens.

Ohcansániid kombinašuvdna

Jus čállá máŋga ohcansáni ohcansadjái, de fertejit buot ohcansánit leat dokumenttas jus galgá gávdnot.

Dán sáhttá dattetge garvit dan bokte ahte bidjá ruođuid ohcansániid birra. Go bidjá ruođuid, de dárkkuha ahte dušše okta dahje moadde ohcansáni dárbbašit leat dokumenttas ovdal go gávdno.

Lea vejolaš ráddjet ohcama dan bokte ahte geavaha erenoamáš mearkkaid nu go + ja -

Ovdamearkkat:

+bondevik -stoltenberg gávdná dokumenttaid gos čuožžu Bondevika birra, muhto ii Stoltenberga birra.

+statsminister (Jagland Bondevik Stoltenberg) gávdná dušše dokumenttaid gos čuožžu juogo Jagland, Bondevik dahje Stoltenberg, ja gos seammás čuožžu sátni statsminister.

Doabaohcan: Dáinnalágiin sáhttá ohcat doahpaga, dahje máŋga sáni maŋŋálaga, dan bokte go bidjá ” doahpaga birra maid áigu ohcat, ovdamearkka dihte "statsministerens kontor".

Gávnnuslisttu sorteren

Gávnnuslisttu sáhttá sorteret guovtteládje; relevánssa mielde (mii lea álo vuođđun) dahje dáhtona mielde.

Sullasaš dokumenttat

Go čájeha buot ovttaskas dokumenttaid, de lea vejolaš gávdnat sullasaš dokumenttaid.

Viiddidit ohcama sullasaš dokumenttaide: Čađaha maŋemus ohcama ođđasis, muhto bidjá mielde dieđuid válljejuvvon dokumentta birra nu ahte ođđa ohcan inkludere ođđa gávdnosiid, ja dainnalágiin gártet eambbo bohtosat boađuslisttus.

Ráddjet ohcama sullasaš dokumenttaide: Čađaha maŋemus ohcama ođđasis, muhto bidjá mielde dieđuid válljejuvvon dokumentta birra nu ahte ođđa ohcan ráddjejuvvo dušše daidda dokumenttaide mat sulastahttet dán dokumentta, ja nappo addá unnit ohcanbohtosiid.

Dárkilis ohcan

Dárkilis ohcamiin sáhttá válljet čuovvovaš sátnefiltariid gaskka:

Buot sánit: Buot ohcansánit fertejit gávdnot dokumenttas.

Muhtun sánit: Okta dahje máŋga ohcansáni fertejit gávdnot dokumenttas.

Juste-doaba: Ohcansánit fertejit gávdnot oppalaččat ja juste seammaládje maŋŋálaga dokumenttas.

Boolska doaba: Geavaheaddjis lea dás friddjavuohta hábmet sierra ohcandoahpagiid boolska operatoraid bokte. Operatorat mat dorjojuvvojit, leat AND, OR, ANDNOT ja RANK. (bagadus)

Ohcama ráddjen

Lea vejolaš ráddjet ohcama dokumenttaide maid dihto departementa lea almmuhan (almmuheaddji).
Fuomaš: Heaittihuvvon departementtat leat čállojuvvon ceahkkelinjá vuolábeallái.

Lea vejolaš ráddjet ohcama dan bokte ahte vállje dihto dokumentahámi.

Lea vejolaš áigeráddjet ohcama. Sáhttá válljet ohcat dokumenttaid main lea dihto álgindáhton, ovdal válljejuvvon loahppadáhtona, dahje áigodagas mas lea álgin- ja loahppaalmmuhandáhton.
Ovdamearka: Jus čállá 20000101 vuosttaš dáhtonsadjái, ja 20000401 nubbái, de ohcá dokumenttaid mat leat almmuhuvvon áigodagas ođđajagemánu 01. beaivvis 2000 – cuoŋománu 01. beaivái 2000.

Gávnnuslisttu sorteren

Gávnnuslisttu sáhttá sorteret guovtteládje; relevánssa mielde (mii lea álo vuođđun) dahje dáhtona mielde.

Sullasaš dokumenttat

Go čájeha buot ovttaskas dokumenttaid, de lea vejolaš gávdnat sullasaš dokumenttaid.