HI401307 Intensivmedisin

Offentleg godkjenning / autorisasjon som sjukepleiar og minst 2 års relevant yrkespraksis etter godkjenning.

Mål

Måla er at studenten skal:

• utvikle kunnskap og innsikt om ulike sjukdomstilstandar, diagnostikk og behandlingsformer i ulike intensiv-, observasjons-, og intermediæravsnitt.
• ha kompetanse i å observere og overvake ulike pasientgrupper og sette i verk relevante tiltak for å førebyggje komplikasjonar
• utvikle kompetanse i å sette i verk delegert medisinsk behandling og presist kunne rapportere endringar i sjukdomstilstand til den ansvarlege legen
• ha kompetanse i å dokumentere arbeidet sitt i samsvar med faglege, juridiske og etiske retningsliner
• utvikle kompetanse i å samhandle med pasient og pårørande om gjennomføringa av den medisinske behandlinga
• utvikle kompetanse i å informere pasient og pårørande om den medisinske behandlinga

Innhald

Sjukepleiarane på intensiveiningane må ha grundige kunnskapar i intensivmedisin, kirurgi og anestesiologi for å kunne ivareta funksjonane dei har i desse einingane. Medisinsk kunnskap skal gi grunnlag for å observere og overvake kritisk sjuke menneske samt gjennomføre delegert medisinsk behandling. Sjukepleiarane må i tillegg kunne gi tilpassa informasjon for å understøtte pasienten og pårørande si meistring av sjukdomen og den medisinske behandlinga.

Emnet er inndelt i fire delemne:

Delemne 1: Kardiologi

• Elektrofysiologi
• Rytmeendringar
• Elektrokonvertering/defibrillering
• Koronar hjartesjukdom med komplikasjonar (angina, infarkt med meir)
• Andre hjartesjukdomar (cardiomyopati, myocarditt, endocarditt og pericarditt, klaffefeil)
• Hjartesvikt (akutt/kronisk)

Delemne 2: Intensivmedisin

• Astma bronchiale/alvorlige astmaanfall
• Pneumoni
• Akutte tilstandar ved sjukdomar i gastrointestinaltraktus/lever/pancreas
• Diabetes – akutte tilstandar
• Drukning/nærdrukning/forfrysing

• Alvorlige infeksjonar:

  - Meningitt/sepsis

  - Tetanus

  - Streptokokkinfeksjonar

  - Sjukehusinfeksjonar, postoperative sårinfeksjonar

  - HIV/AIDS

  - Hepatitt

• Sjukdomar i nyre- og urinvegar
• Akutte gynekologiske og obstetriske tilstandar
• Epilepsi/status epilepticus/kramper
• Intoksikasjonar
• Nevrologiske sjukdomar
• O2- behandling
• Brannskadar
• Alvorlege tilstandar ved hjernebløding
• Smerte, smertefysiologi, smertelindring og sedasjon
• Multiorgansvikt
• Psykiske reaksjonar på alvorleg sjukdom.

Delemne 3: Anestesiologi og kirurgi

• Anestesiformer og etterverknader
• Preoperativ førebuing/vurdering
• Premedikasjon
• Generell anestesi
• Regional anestesi
• Postoperativ smertelindring
• Den multitraumatiserte pasient
• Thoraxkirurgi
• Karkirurgi
• Nevrokirurgi

Delemne 4: Førstehjelp og katastrofemedisin

• Basal og avansert hjerte-lunge-redning
• Førstehjelp ved ulike skadar/lidingar

• Skadestad-arbeid

  - diagnostisering og prioritering

  - behandling

  - transport

• Akutt medisinsk kommunikasjonssystem
• Katastrofeplanar
• Katastrofepsykiatri

Arbeidsformene
Det vil bli veksla mellom førelesingar, arbeid med studiespørsmål og gruppearbeid. I tillegg vil læring i simulator vere ei viktig læringsform når det gjeld å utvikle kompetanse i basal- og avansert hjarte/lungeredning.

Studenten skal gjennomføre og ha godkjent to arbeidskrav knytt til basal og avansert hjarte- lungeredning. Arbeidskrava består av ein teoretisk og ein praktisk del, og blir vurdert i høve til godkjent/ikkje godkjent. Arbeidskrava må vere godkjende før studenten kan gå opp til eksamen i Intensivmedisin.

Individuell skriftleg skuleeksamen på 6 timar.