HA401507 Anestesisjukepleie 3

Bestått tidlegare arbeidskrav og eksamenar i studiet

Ved fullført emne skal studenten ha utvikla:

·forståing for og kompetanse i å utøve anestesisjukepleie med utgangspunkt i pasient og pårørande sine ressursar og rettar il medverknad

·forståing for dei juridiske rammene for yrkesutøvinga

·ha kunnskap om og forståing for ulike medisinske tilstandar hos pasienten

·kompetanse i klinisk observasjon av anestesipasienten og iverksetting av tiltak i samsvar med eigen kompetanse og ansvarsområde

·kompetanse i å gi individuelt tilpassa sjukepleie

·kompetanse i å handle sjølvstendig og forsvarleg i akutte situasjonar

·kompetanse i å ivareta pasienten sine behov og tryggleik ved bruk av medisinsk-teknisk utstyr

·kunnskap om og kompetanse i å gjennomføre delegert medisinsk behandling

·kompetanse i å informere, undervise og rettleie pasientar, pårørande og medarbeidarar

·kompetanse i å understøtte pasientar og pårørande si meistring i samband med akutt og kritisk sjukdom

·kompetanse i og forståing for verdien av dialog og samhandling med pasient og pårørande

·kunnskap om og kompetanse til å støtte menneske i krise og sorg

·forståing for etiske utfordringar og dilemma i arbeidet med kritisk sjuke

Delemne 1: Sjukepleiefaglege tilnærmingar til anestesipasienten

Temaet vil presentere ulike sjukepleiefaglege tilnærmingar som kan knytast til ulike vitskaplege retningar. Det har som mål at studenten utviklar ei kritisk analytisk haldning til fag og yrkesutøving.
Ulike kunnskapsformer

·evidensbasert praksis

·fagleg skjønn

·fagleg skriving

Delemne 2: Sjukepleie til ulike pasientgrupper

I dette emnet skal studenten utvikle djupneforståing for sjukepleie til pasientar som skal til kirurgiske undersøkingar og/eller behandling. Det blir forventa at studenten har oversikt over forsking innanfor sentrale tema i anestesisjukepleie. Det er også eit mål at studentane skal utvikle kompetanse til å ta del i utviklingsarbeid på ein systematisk og metodisk forsvarleg

måte.

·Forsking knytt til sentrale område i anestesisjukepleie

·kvalitative og kvantitative forskingsmetodar

·etiske perspektiv i forskinga

Delemne 3: Pasient- og pårørandeerfaring ved kritisk sjukdom

Å lytte til pasientar sine erfaringar er ei kjelde til innsikt for helsepersonell. Ei aukande forsking knytt til dette har synleggjort verdien av denne typen kunnskap. I dette emnet vil forsking knytt til pasientar og pårørande sine erfaringar og reaksjonar på kritisk sjukdom vere tema.

·Pasient og pårørandeerfaringar ved kritisk sjukdom

·pårørande i operasjonsavdelinga

·born som pårørande

Delemne 4: Etiske/juridiske utfordringar ved kritisk sjukdom

Å arbeide med kritisk sjuke pasientar medfører at sjukepleiaren har ansvar for pasientar og pårørande i sårbare livssituasjonar. Dette krev at sjukepleiaren må utvikle forståing for både dei etiske og juridiske utfordringane og dilemma dette inneber.

·Livshjelp/dødshjelp

·pasientmedverknad ved kritisk sjukdom

·når pasienten nektar behandling

·etiske perspektiv på kommunikasjon

Delemne 5: Leiing av intensivavsnitta

Arbeidet i anestesifaget føreset at sjukepleiaren har innsikt i rammefaktorar, organisering og leiing av dei ulike seksjonane i avdelinga.

·Organisering og leiing av intensiv- operasjons- og anestesiavdelinga

·tverrfagleg samarbeid i arbeidet med kritisk sjuke

·intensivavsnitta som læringsarena

·kvalitetssikring av intensivavsnitta

·ei kritisk/analytisk haldning til fag og yrkesutøving

·kompetanse i og forståing for verdien av fagleg utviklingsarbeid

·innsikt i organisering, leiing og kvalitetssikring av intensivavsnitta

Det vil bli veksla mellom forelesing, arbeid i grupper og deltaking i systematisk undersøkande arbeid. Det vil bli lagt opp til ulike former for forskingsbasert undervising. Dette medfører mellom anna at undervisinga vil vere i samsvar med dei nyaste forskingsresultata knytt til sentrale tema i utdanninga. I tillegg vil studentane få undervising og trening i vitskaplege metodar. Det blir forventa at studentane er aktive og medansvarlege i undervisinga. Praksis på 11 veker er ein del av dette emnet.

Utarbeiding og godkjenning av prosjektplan for avsluttande oppgåve

Avsluttande oppgåve relatert til yrkesutøving. Oppgåva skal ha eit omfang på om lag 10.000 ord. Oppgåva kan skrivast individuelt eller i gruppe på opp til tre studentar. For studentar som skriv i gruppe, skal oppgåva ha eit omfang på om lag 15.000 ord.

Det vil bli gjennomført individuell munnleg høyring knytt til oppgåva og sjølvvalt pensum. Den munnlege eksamen kan justere karakteren på oppgåva.