Namn på studiet
BEGYNNAROPPLÆRING I NORSK OG MATEMATIKK 1, NM300
Studiepoeng
15 studiepoeng
Organisering
Studiet er desentralisert, på deltid, delvis nettbasert og går over to semester.
Kompetanse / formell grad
Vidareutdanning for allmennlærarar, førskulelærarar med fullført Paps 1 og Paps 2, og faglærarar
Målgruppe
Allmennlærarar, førskulelærarar med fullført Paps 1 og Paps 2, og faglærarar
Mål for studiet
Deltakarane skal bli i stand til
· betre å kunna reflektera over eigen praksis i lys av teori
· å heva kvaliteten i eiga norsk- og matematikkundervisning
· å bruka IKT til å dokumentera arbeid i norsk og matematikk
Opptakskrav / krav til forkunnskapar
Fullført allmennlærarar, førskulelærarar med fullført Paps 1 og Paps 2 eller faglærararutdanning.
Innhald / oppbygging
Kurset har tre jamstore bolkar, kvar med eit omfang på 5 studiepoeng:
Norsk
· Teoriar og metodar i den grunnleggjande lese- og skriveopplæringa
· Skriveutvikling og tekstsjangrar på småskulesteget og mellomsteget
· Leseutvikling og leseforståing på småskulesteget og mellomsteget
· Munnleg språkarbeid på småskulesteget og mellomsteget
· Læremiddelvurdering
Matematikk
· Meistring av overordna omgrep som er relevante for skulematematikken
· Fagleg drøfting av samhandling med born med eit matematisk innhald
· Drøfting av læremiddel
· Fokus på bruk av matematikk for å beskriva naturlege fenomen
IKT i i norsk- og matematikkundervisninga
· Innføring i ein kommunikasjonsplatform
· IKT som verktøy i faglege samanhengar på småskulesteget
Undervisnings- og læringsformer
Studiet går over eitt studieår. Kurset er nettbasert med regionale og lokale samlingar. Dei regionale samlingane omfattar 5 dagar. Den første regionale samlinga går over 2 dagar. Deltakarane vert organiserte i lokale grupper som møtest til lokale samlingar om lag 10 gonger. Deltakarane skal samarbeida med kvarandre og med lærarane på nettet mellom samlingar. Gruppene vil få mindre oppgåver til dei lokale samlingane.
Det vert stilt fylgjande krav til teknisk utstyr for deltakarane:
· Tilgang til datamaskin med Office-pakken og med tilkopling til Internett
· Tilgang til digitalt kamera
Praksis
10 timar praksis, i eigen klasse eller som gjest i andre klassar, eventuelt ved andre skular
Arbeidskrav
Det er 4 arbeidskrav. Kvart av dei skriftlege innleveringane skal ha eit omfang på om lag ei arbeidsveke. På samlingane vert det gitt førelesingar som mellom anna skal vera innføringar til arbeidskrava. Arbeidskrava skal ha slikt innhald:
· Norsk
· Matematikk
· Bruk av IKT i faglege samanhengar
· Nasjonale prøver
Sluttvurdering
NM300 Munnleg individuell eksaminasjon med utgangspunkt i arbeidskrava.
Pensum
Førebels pensumliste skal liggja føre når kurset startar. Endeleg pensumliste skal liggja føre innan 15. februar 2006.