Namn på studiet
LÆRINGSSTRATEGIAR OG TILPASSA OPPLÆRING, PE353
Studiepoeng
30
Organisering
Studiet er organisert som eit deltidsstudium over 1 år. Studiet vil veksle mellom felles samlingar, gruppesamlingar og nettbasert arbeid.
Kompetanse / formell grad
Valfritt fag i allmennlærarutdanninga. Vidareutdanning for lærarar.
Målgruppe
Lærarar på mellomsteget, ungdomssteget og i vidaregåande skule
Mål for studiet
Studiet skal gi grunnlag for å auke studentane sin didaktiske kompetanse i forhold til arbeid med læringsstrategiar og tilpassa opplæring generelt og i ulike skulefag.
Studentane skal:
Få innsikt i den praktisk-pedagogiske vektlegging av læringsstrategiar og tilpassa opplæring som finn stad i skular i Noreg og andre land.
Få innsikt i nyare teoretisk grunnlag for utvikling av læringsstrategiar og tilpassa opplæring.
Utvikle evne til å planlegge og leggje til rette for ulike læringsstrategiar og tilpassa opplæring i samarbeid med kollegaer, elevar og foreldre.
Opptakskrav / krav til forkunnskapar
Lærarutdanning (allmenn-, faglærar eller praktisk-pedagogisk utdanning). Studentar i allmennlærarutdanninga kan ta studiet som valfritt 4./5. år.
Innhald / oppbygging
Vi legg vekt på at studiet skal vere aktuelt ved å ta opp nyare utviklingsarbeid og litteratur som gjeld grunnskule og vidaregåande skule.
Vi vil arbeide ut frå tre hovudtema:
|
LÆRING GJENNOM TILPASSA OPPLÆRING
|
UNGDOM
|
PEDAGOGISK UTVIKLINGSARBEID
|
|
- Differensiering og fellesskap
- Organisering og arbeidsmåtar
- Læringsstrategi i ulike fag
- Læringsstilar
- Elevmedverknad
- Lærings- og kunnskapsteori
- Metakognisjon
- Vurdering og læring
- Utvikling av lese- og skrivekompetanse på ungdomssteget
|
- Ungdomskulturar og skule
- Læring og utvikling
- Sosialisering
- Identitet
- Kjønn
|
- Ulike utviklingsstrategiar
- Planlegging, gjennomføring og dokumentasjon
- Organisasjonslæring og skuleutvikling
- Kollegasamarbeid
|
Undervisnings- og læringsformer
Kurset vil veksle mellom felles samlingar, gruppesamlingar og nettbasert arbeid. Samanhengar mellom praksis og teori vil bli vektlagt gjennom heile studiet.
Pedagogisk utviklingsarbeid der ein prøver ut tema i studiet i praksis.
Praksis
Lærarar som tek studiet og som er i arbeid, gjennomfører pedagogisk utviklingsarbeid i eigen klasse/ medstudent(ar) sin klasse.
Studentar som tek studiet som ein del av allmennlærarutdanninga skal ha rettleidd praksis tilsvarande 10 dagar. Praksisperioden treng ikkje takast samanhengande.
Arbeidskrav
Deler av undervisniga er obligatorisk. Kva deler dette gjeld, går fram av semesterplanen.
Mål med arbeidskrava er å dokumentere kunnskap innafor sentrale tema i studiet. Arbeidskrava vil veksle mellom ulike dokumentasjonsformer og mellom individuelle og gruppebaserte arbeid.
Innhald: Utkast til PU- arbeid, rapport frå PU- arbeid, presentasjon av PU- arbeidet for klassen, 4 notat (matematikk, norsk, ungdomskultur, læring og læringsstilar, organisering og arbeidsmåtar), til saman 7 arbeid.
Sluttvurdering
PE353 Individuell heimeeksamen over 3 dagar
Pensum
Pensumliste ligg føre ved studiestart.