Obligatorisk emne i 6. semester i økonomi og administrasjon.
Som avslutning på det 3-årige studiet i økonom i og administrasjon skal studentane gjennomføra ei prosjektoppgåve som tilsvarar 15 studiepoeng. Prosjektoppgåva skal gje studentane:
· Innføring i vitskapleg metode og metodar for prosjektplanlegging og -styring
· Trening i bruk av kunnskapsstoffet innanfor ulike fagområde i studiet
· Trening i munnleg og skriftleg presentasjon av fagleg stoff
· Praktisk trening i å gjennomføra eit prosjekt og skriva ei utgreiing saman med andre
Prosjektoppgåva representerer ei oppsummering og avslutning av bachelorstudiet i økonomi og administrasjon. Berre ordinære studentar eller andre studentar som har avlagt minst 120 studiepoeng på studiet, har høve til å følgja emnet.
Emnet er sett saman av teori-/metodeundervisning, drøfting av aktuelle problemstillingar, arbeidsdisposisjonar, prosjektplanlegging m.m., og utarbeiding av rapport i gruppe under rettleiing. Det er utarbeidd eit eige reglement som omfattar:
·Tidsfristar
·Val av fagområde/tema og godkjenning av problemstilling
·Rettleiing
·Formelle krav til rapporten
·Vurdering
·Eigedomsrett
Kor mange, og kva fagområde som til kvar tid kan vera aktuelle til prosjektoppgåver, vil vera avhengig av ressurssituasjonen. Studentane kan ikkje rekna med at alle fagområda kan veljast kvart semester, heller ikkje at alle studentane vil få oppfylt sitt primære ynske for val av fagområde. Studentane skal i god tid før semesterstart få opplyst kva fagområde som blir tilbydt for rettleiing. Kvart av dei aktuelle fagområda, vil ha ein ansvarleg fagperson blant det fast tilsette personalet.
.
Normalt vil ansvarleg faglærar stå for oppgåverettleiinga. I særskilte høve kan det nemnast opp eigen rettleiar etter godkjenning frå seksjonen.
Rettleiinga kan dels vera felles, dels retta mot den einskilde prosjektoppgåva. Arbeidsforma vil kunna veksla mellom timeplanfesta undervisning/seminararbeid og sjølvstendig studiearbeid i grupper under rettleiing. Rettleiaren skal på førehand klargjera opplegget sitt for studentane. Ved timeplanfesta undervisning er aktiv medverknad frå studentane si side ein føresetnad og kan telja med i evalueringa.
Prosjektoppgåva skal vera eit sjølvstendig arbeid frå studentane si side, der dei sjølve har ansvar for det kvalitetsnivået dei vil leggja seg på i arbeidet. Rettleiing utanom timeplanfesta undervisning/seminararbeid skal berre gjevast etter avtale med rettleiar. Normalt bør utgangspunktet for rettleiinga vera skriftleg materiale frå studentane
Prosjektoppgåva vil bli evaluert av ansvarleg rettleiar og eksternt oppnemnd sensor. Det vert nytta bokstavkarakter. Alle studentane på gruppa får same karakter.
Sjå reglement for prosjektoppgåver.
Avhengig av val av oppgåve.