Obligatorisk emne i bachelorstudium i økonomi og administrasjon og økonomi og informasjonsbehandling og 1-årig studium i bedriftsøkonomi.
Emnet skal gje grunnleggjande innsikt i rammevilkår og oppbygging av finansrekneskapen. Emnet skal vidare gje forståing for og nødvendig kunnskap i å handsame sentrale rekneskapsmessige måleproblem, utarbeide kontantstraumoppstilling og rekneskapsanalyse. Det skal vidare gjevast ei innføring i verdivurdering av selskap som grunnlag for rekneskapsføring av føretaksintegrasjon og fusjon.
Innføring i rekneskap og bedriftsøkonomi.
Krav til rekneskapen.
Rekneskapen som informasjonskjelde.
Oppstillingsplanen for rekneskapen, rekneskapsprinsipp og god rekneskapsskikk.
Lover og reglar knytt til verdsetjing av eige og gjeld, inntekter og kostnader.
Kontantstraumoppstilling.
Samanhengen mellom rekneskap og skatt.
Rekneskapsanalyse og analyse av nøkkeltal for lønsemd, likviditet, finansiering og soliditet.
Innføring i rekneskapsføring av føretaksintegrasjon (konsern og fusjon).
Emnet skal vidare gje ei kort innføring i årsrapportering og miljørekneskap.
Kurset vil bli gjennomført som førelesingar med gjennomgang av teori illustrert med praktiske døme. Det er naudsynt med aktivt sjølvstudium (studiebok) og eiga førebuing til oppgåver som skal drøftast i plenum. Classfronter vert nytta til utlegging av lysark, oppgåver og løysingsforslag, samt til innlevering av arbeidskrav.
Det skal leverast inn eitt oppgåvesett til godkjenning. Oppgåva kan gjerast individuelt eller i grupper på inntil tre personar. Faglærar er ansvarleg for godkjenninga.
Skriftleg eksamen, 5 timar. Bokstavkarakter.
Tellefsen, J. T. og Langli, J. C.: Årsregnskapet, 8. utgave. Universitetsforlaget, 2005.
Høyvarde, H. K.og Langli J.C.: Studiehefte til årsregnskapet, Universitetsforlaget, siste utgåve.
Lov av 13. juni 1997 nr. 44 om aksjeselskaper (aksjeloven) med endringer.
Lov av 17. juli 1998 nr. 56 om årsregnskap (regnskapsloven) med endringer.
Lov av 19. november 2004 nr. 73 (Bokføringsloven).