Kode
FP332 400
Namn
FAGLEG-PEDAGOGISK STUDIUM I MATEMATIKK
Studiepoeng
10.00
Kategori
Obligatorisk fag i den 3-årige førskulelærarutdanninga. Rammeplan av 2003.
Tid
1. studieår: 3.5 studiepoeng
2. studieår: 6.5 studiepoeng
Mål for emnet
- Å skaffe seg kunnskap og innsikt i matematikkfaget
- Å forstå korleis matematisk forståing vert utvikla, slik at det er mogleg å legge til rette for og vidareutvikle matematisk kompetanse hjå barn.
Innhald / oppbygging
FØRSTE STUDIEÅR
2. semester: Det leikande og skapande mennesket (3.5 sp)
- Språk og matematikk
- Dei fire rekneartane
- Talomgrep og omgrepsstrukturar
- Leik og læring
ANDRE STUDIEÅR
3. semester: Kultur og natur (2 sp)
- Geometri
- Samhandling mellom barn og vaksen i omgrepsutvikling
4. semester: Barnehage og skule (4.5 sp)
- Byrjaropplæring i 1. klasse
- Matematisk kompetanse hjå førskuleborn
- Matematikk i 1. klasse
- Læremiddel i matematikk, 1. klasse
- Tilpassa opplæring
- Posisjonssystemet
Eit emne kan arbeidast med i fleire semester.
Undervisnings- og læringsformer
Teoretiske og praktiske emne skal utfylle kvarandre. Teoretisk innsikt og eigenopplevd aktivitet skal danne grunnlag for studentane når dei sjølv skal planlegge, legge til rette, gjennomføre og vurdere matematiske emne for barn. Tverrfagleg arbeid ligg til tema, og delar av undervisninga er fagundervisning som støtte for arbeid i temaet. Varierte arbeidsformer med mellom anna studentaktive og problembaserte læringsformer vil bli nytta. IKT vil inngå som ein naturleg del av studiet.
Praksis
20 veker praksis integrert i fagstudiet over tre studieår. Sjå eigen plan for praksis.
Arbeidskrav
- Det er obligatorisk oppmøte til delar av undervisninga. Kva delar dette gjeld skal gå fram av arbeidsplan for studiet.
- Praksis, førebuing og etterarbeid
- Oppgåver og skriftleg arbeid knytt til praksis
- Greidd praksis
4. semester:
Tverrfagleg arbeidskrav:
- praksisprosjekt lese-, skrive- og matematikkopplæring (norsk, matematikk og pedagogikk)
Sluttvurdering
2. studieår, vårsemesteret
FP332 411 Matematikk : Skriftleg individuell eksamen
Tid: 4 timar
Vekting: 75 %
FP332 412 Matematikk: Munnleg eksamen i gruppe knytt til det tverrfaglege praksisprosjektet lese-, skrive- og matematikkopplæring
Vekting: 25%
Pensum
Førebels pensumlitteratur vil ligge føre ved studiestart. I tillegg til det fastlagde pensumet, skal studentane kvart år legge opp eit visst tal sider med sjølvvalt pensumlitteratur. Desse sidene skal godkjennast av faglærar. Endeleg litteraturliste skal ligge føre innan oppmeldingsfrist til eksamen. For haustsemesteret er denne fristen 15. september og for vårsemesteret 15. februar. Pensumlista ligg på matematikkseksjonen sine internettsider.