Obligatorisk valfag i 4. året i den 5-årige allmennlærarutdanninga.
4. studieår, haust- og vårsemester.
Studiet skal vere praksisrelatert for å kvalifisere studentane for undervisning
i kroppsøving i grunnskulen.
Studentane skal:
– få innføring i aktivitetar som er basis for dei fleste fysiske aktivitetane
– tileigne seg teoretisk og metodisk kunnskap for undervisning og læreplansarbeid i kroppsøvingsfaget
– vise at dei kan planleggje og gjennomføre målretta fysisk/motorisk aktivitet for barn
– utvikle positiv haldning og forståing for fysisk/motorisk aktivitetgjennom allsidig rørsle i ulike miljø
Studiet er bygd opp kring målområda kroppsøvingsdidaktikk, sansemotorikk, leik, idrett, dans og friluftsliv. Teoretiske og praktiske emne skal knytast saman og utfylle kvarandre.
Praktiske emne: Leik, tilvenjing og innlæring i høve basisaktivitetar og ballaktivitet, kartaktivitet, nærfriluftsliv, dans, symjing/livberging og studentpraksis.
Teoretiske emne: kroppsøvingsdidaktikk, motorisk utvikling og læring, barn og fysisk aktivitet.
Studiet er organisert med regionsamlingar, lokale studiegrupper og individuelt arbeid. Arbeidsformene vil vere varierte, men med hovudvekt på praktisk aktivitet. I dei praktiske timane vil det metodiske grunnlaget vere sentralt, som t.d. læringsmål, planlegging, ulike arbeidsmåtar, organisering, og leiing. Her blir det ei blanding av lærarstyrt undervisning og der studentane får ansvaret/ prøvd seg. Praktisk og teoretisk lærestoff vert integrert i heile studiet. Mellom samlingane føreset me aktiv bruk av studiegrupper. Arbeidsformene på samlingane byggjer på at IKT vert nytta aktivt som kommunikasjons- og informasjonskanal, og som læringsverktøy for dialog og rettleiing.
Går inn som del av obligatorisk praksis i allmennlærarutdanninga.
-Obligatorisk deltaking i praktisk aktivitet. Faglærar kan gi fritak frå fysisk aktiv deltaking ved særlege omstende t.d. skade, etter søknad med legeattest
- Godkjent studentpraksis
- Praksisførebuing, praksis og godkjent evalueringsrapport etter grunnskulepraksis
- To godkjende arbeidsoppgåver, ei innan ”kroppsøvingsdidaktikk” og ei innan ”barn i bevegelse”
- Gjennomført prøve i livberging i vatn og godkjent hjerte- og lungeredning
Vårsemester:
ID 310 Individuell praktisk-metodisk heimeeksamen med munnleg eksaminasjon i etterkant.
Vekting: 100 %
Førebels pensumliste skal ligge føre til studiestart. Endeleg pensumliste skal ligge føre innan oppmeldingsfristen til eksamen. For haustsemesteret er denne fristen 15. september og for vårsemesteret 15. februar.