RP510 Vidareutdanning i rusproblematikk, emne 2

Emnet skal gje studentane auka kunnskap om og handlingskompetanse i arbeidet med enkeltpersonar, familiar og samarbeidspartnarar i høve til rusproblematikk. Ungdom og førebyggande arbeid vil vere i fokus. Vidare skal studentane bli stimulerte til auka etisk medvit, til fagleg og kritisk tenking og personleg tryggleik i møte med brukarar og lokalsamfunn.

Sjå opptakskrav. Det er lagt opp til at studenten arbeider i praksisfeltet i studietida.

Emnet er sett saman av tre undervisningsbolkar:

Bolk 1:
- Familieteori
- Utviklingspsykologi
- Sosialiseringsteoriar/jamnaldersosialisering/ungdom
- Kjønnsteoriar
- Motivasjon/motstand
- Gjennomgang av etiske tenke- og handlingsmåtar knytta til moralfilosofien sine tradisjonar og retningar. Rolleetikk. Diskusjon av sentrale yrkesetiske dilemma i arbeidet med rusmisbrukarar, herunder forholdet til teieplikt og forhold til eigen ruspraksis.

Bolk 2:
- Rusførebyggjande tiltak med fokus på barn og ungdom i små og mellomstore samfunn: handlingsplanar, helseinformasjon og tiltak i nærmiljø. Nettverksarbeid og sjølvhjelpsgrupper. Individ og familiar.
- Trygderett, Lov om sosialetjenester, Lov om barneverntjenester og Lov om pasientrettar.

Bolk 3:
- Observasjonspraksis med prosjektoppgåve. Fordjupning i eit sjølvvalt tema. Feltarbeid og observasjon, intervju og rapportskriving.

Førelesingar, ferdigheitstrening, seminarundervisning, rettleiing og sjølvstudium i kollokviegrupper. Studentane skal levere to skriftlege arbeid til ei arbeidsmappe: ei skriftleg oppgåve frå kvar av undervisningsbolkane 1 og 2. Studentane skriv prosjektoppgåve med rettleiing i bolk 3.

Prosjektarbeid i praksisfeltet.

Ferdigheitstrening, seminarundervisning, rettleiing og observasjonspraksis.

• RP310 003 Innlevering av dei to skriftlege oppgåvene i arbeidsmappa, vekting 15%.
• RP310 002 Prosjektoppgåve frå observasjonspraksis, vekting 35 %.
• RP310 001 Skriftleg eksamen, 5 timar. Vekting 50 %.

Pensum blir lagt fram ved semesterstart.