– gje kunnskap om språket og korleis det vert brukt og stimulera til språkglede
– øva opp funksjonell og sikker personleg språkbruk i form av god uttale
- kunna beskriva lydane og vurdera korleis ein skal øva god uttale for elevar
Fonetikk er brukt som samleomgrep for ei rekke deldisiplinar som går inn i emnet. Studiet består av artikulasjonslære, som gjev kunnskap om og innsikt i korleis taleorgana fungerer. Lydlære er læra om lydsystemet og lydrealisering, trykkforhold og rytmikk. Intonasjon er studiet av tonemønster eller talemelodi. Ein vil også ta opp regionale variantar av engelsk og skilnad på britisk og amerikansk engelsk.
I studiet vil det bli gitt ei relativ brei innføring i engelsk fonetikk med utgangspunkt i skilnader mellom engelsk og norsk. Studiet inneheld ein del teori, men er først og fremst praktisk med sikte på oppøving av god engelsk uttale og intonasjon. Studenten skal verta i stand til å oppfatta og korrigera feil hos norske brukarar av språket, og må kunna bruka fonetisk terminologi og metode og vera stø i transkripsjon og intonasjonsmønster. Det blir undervist i standard britisk uttale (RP), men konsekvent amerikansk uttale blir godkjend på lik linje med RP.
Dette emnet vil i hovudsak bli undervist ved hjelp av øvingsoppgåver, forklaringar og demonstrasjon av uttale og teori om korleis lydsystemet er bygd opp.
- Deltaking i undervisninga og i øvingsoppgåvene er obligatorisk.
- Innlevering av 2 skriftlege arbeid
- Innlesing av ein tekst på band
- Deltaking i 2 prøvar på skulen utan hjelpemiddel
Presentasjonsmappe som skal innehalda:
- 2 skriftlege arbeid og innlesing av ein tekst 40%
- deltaking i 2 prøvar utan hjelpemiddel 60%
Grunnbøker:
Thor Sigurd Nilsen/Kåre N. Rugesæter: Basic English Phonetics for teachers. Stensilar som vert delte ut i førelesningane/kompendium.
Hjelpebøker:
Daniel Jones/A.C Gimson. Everyman's English Pronouncing Dictionary.