OR672 Organisasjonsfag og føretaksstrategi

Etter fullført kurs skal studentane, med basis i nyare teoriar om organisasjon og strategi, vere i stand til å gjere greie for og drøfte sentrale omgrep og problemstillingar når det gjeld organisasjonars internt og eksternt retta endringsprosessar. Gjennom kurset skal studentane generelt øve opp sine evner til strategisk tenking.

Organisasjonsdelen skal gje studentane teoretisk kunnskap og innblikk i sentrale organisasjonsteoretiske og organisasjonspsykologiske tema som kan brukast til å analysere, forstå og forklare organisasjonsåtferd. Gjennom kunnskap om og innsikt i bruk av teoriar, omgrep, modellar og praktiske døme (cases) skal studentane utvikle evna til å drøfte, analysere/tolke og forstå organisasjonsfaglege problemstillingar og mulege løysingar.

Den delen som omhandlar føretaksstrategi skal gjere studentane kjende med omgrepsapparatet knytt til emneområdet, gje innsikt i den strategiske leiingsprosessen, og gje ei innføring i aktuelle strategiske val og retningar (generiske strategiar). Studentane skal få bransjeinnsikt ved gjennomgang/­presentasjon av døme frå ulike bransjar/bedrifter.

Gjennomført OR665 eller tilsvarande grunnleggande innføring i marknadsføring og organisasjon.

Dei tema som utgjer hovudinnhaldet i organisasjonsdelen av OR665 skal utdjupast. Det skal spesielt fokuserast på endringsprosessar i og mellom organisasjonar i lys av desse tema. I tillegg skal minst 8 av følgjande emne dekkast :
- Strategi, alliansar, nettverk og interorganisatoriske relasjonar
- Økonomisk organisasjonsteori med prinsipal/agent- og transaksjonsteori
- Trendar, konsept og organisasjonsoppskrifter
- Meiningsskaping og kommunikasjon
- Symbol og metaforar
- Leiarutvikling
- Personalleiing
- Formelle speleregler i arbeidslivet (Arbeidsmiljølova, Aksjeloven, Hovudavtalen)
- Psykososialt arbeidsmiljø
- Forhandlingar og konfliktløysing
- Organisasjonslæring
- Innovasjon og omstillingsprosessar
- Hybride organisasjonsformer, kunnskapsverksemder, prosjektorganisering og teamutvikling
- Etiske og moralske problemstillingar, gjerne integrert i dei enkelte tema

I Føretaksstrategi skal følgjande emne dekkast:
- Strategiomgrepet i eit historisk perspektiv
- Strategiprosessar - den strategiske leiingsprosessen
- Strategisk marknadsføring
- Formål (misjon), visjon, forretningsidé(ar), verdiar og mål
- Strategiske forretningsområde
- Strategianalysar (eksterne faktorar – omgjevnader, interne faktorar – ressursar) og strategiske mulegheiter
- Differensiering, val av målgrupper, posisjonering og profilering, samt porteføljeanalysar
- Strategiske evalueringar og - val
- Implementering og kontroll med fleirdimensjonal mål- og resultatstyring
- Konsernstrategiar
- Føretaksmodellar
- Illustrasjonar/cases frå ulike bransjar/ulike føretak

Forelesingar og øvingar (case). Det blir forventa at studentane bruker elektroniske hjelpemiddel i sitt arbeid (internett og program som ClassFronter, Word og PowerPoint).

Det skal leverast inn eitt oppgåvesett til godkjenning. Oppgåva kan gjerast individuelt eller i grupper på maksimalt tre personar. Faglærar er ansvarleg for godkjenninga.

Skriftleg eksamen, 5 timar. Bokstavkarakterar.
Lovlege hjelpemiddel ved eksamen: Norges Lover, lovsamling eller særtrykk av lover. Reine rettskrivingsordlister.

Pensum er under vurdering,
Aktuell litteratur:
Greve, Arent: Organisasjonsteori – nyere perspektiver. Universitetsforlaget, Oslo 1995.
Roos, von Krogh og Roos: Innføring i strategi. Fagbokforlaget, Bergen 2002.
Haukedal, Willy og Kjell Inge Bjørvik: Arbeids-og lederpsykologi. Cappelen Akademisk Forlag, Oslo 2001. Kap 10, 11 (361 – 371) og 12 (s 432 – 441)
Omholt, K. og J. G. Nesse: Mennesker, organisasjon og ledelse. Universitetsforlaget, Oslo 1997/1999. Del 4 (kap 17 og 18).