Obligatorisk emne 3. semester i økonomi og administrasjon.
Studentane skal tileigne seg grunnprinsippa innan tradisjonell forskingsmetode knytt til økonomisk-administrative problem. Emnet skal gjere studentane i stand til å gjennomføre enkle undersøkingar og skrive prosjektoppgåve under rettleiing.
Grunnleggjande statistikk.
Innføring i enkel vitskapsteori med forklaring av sentrale omgrep og paradigmeteori. Eksemplifisering tek utgangspunkt i økonomisk administrative fag.
Forskingsdesign: Hovudformer for kvantitative og kvalitative undersøkingsdesign (for eksempel eksperiment, tverrsnittsstudium, tidsrekkestudium, casestudium, fokusgruppestudium og djupneintervjustudium).
Operasjonalisering og måling av variablar: Analyse og definisjon av omgrep (empiriske operasjonaliseringar). Formelle krav til utforming av mål (omgrepsvaliditet og målenivå).
Ulike metodar for utveljing av respondentar. Enkle reglar for avgjerd om storleiken av utval.
Val av datainnsamlingsmetode: Vanlege kjelder for sekundærdata og primærdata. Enkle surveyundersøkingar og personlege intervju.
Dataanalyse: Gjennomføre kvantitativ analyse (for eksempel beskrivande statistikk, krysstabellar, kjikvadrattestar, korrelasjons- og regresjonsanalyse). Gjennomføre analyse av kvalitative data (analyse av einskild-case og samanlikning av fleire case). Tolking av resultat.
Rapportering: Rapportskriving som oppfyller generelle krav til vitskapleg arbeid.
Emnet opnar for varierte undervisningsformer, og det blir tilrådd førelesingar med obligatoriske gruppebaserte innleveringsoppgåver/øvingar. Øvingane speler ei viktig rolle i det pedagogiske opplegget.
Integrasjon av dataverktøy i undervisninga er sentralt (for eksempel Excel og SPSS for kvantitative analysar og/eller Nudist for kvalitative analysar). Dei kvantitative analysane byggjer på kunnskapar frå MES1. Det er viktig at studentane ser at metodane kan nyttast på eit breitt spekter av økonomisk- administrative fag fordi mange problemstillingar er tverrfaglege.
Det skal leverast inn eitt oppgåvesett til godkjenning. Oppgåva kan gjerast individuelt eller i grupper på maksimum. tre personar. Faglærar er ansvarleg for godkjenninga.
Skriftleg eksamen 4 timar. Bokstavkarakter.
Johansen, Asbjørn og Tufte, Per Arne: Introduksjon til samfunnsvitskapleg metode, Abstrakt forlag, Oslo 2004.
Nyeng, Frode: Vitenskapsteori for økonomer, Abstrakt forlag, Oslo, 2004. (Kapittel 7, 8, 9 og 11 er ikkje pensum)