Studentane skal utvikle språkleg, interkulturell og didaktisk kompetanse gjennom å
- tileigne seg kunnskap om språket og korleis det vert brukt
- arbeide målretta med den personlege, munnlege og skriftlege språk- og kommunikasjonsdugleiken
- øve opp lytte- og leseforståing
- tileigne seg kunnskap om litteratur og kultur i dei tyskspråklege landa
- overføre eigne læringserfaringar til undervisningssituasjonen i skulen
1 Språkleg komponent:
· Øving i rett uttale og rett bruk av munnleg tysk
· Arbeid med språkstrukturar og skriftleg tysk
· Kommunikasjonsaktivitetar
· Lytte- og leseforståing
2 Kulturell komponent:
· Dei tyskspråklege landa og kulturen deira
· Interkulturell kompetanse
3 Litteratur/tekstkompetanse
· Tekstar i undervisninga
· Barne – og ungdomslitteratur
Tysk vil vere undervisningsspråk. Studiet er nettbasert, og det vil bli om lag ei samling kvar månad. Undervisninga elles vil skje ved hjelp av kommunikasjon via Classfronter. På samlingane vil ein spesielt øve opp munnleg eigendugleik. Bruk av språket vert sett på som eit hovudmål, og gjennom heile studiet vil dette bli vektlagt. Arbeid med grammatikk vert knytt til språk i bruk. All litteratur og alle tema frå kulturkunnskapsdelen vil bli diskutert på samlingane og på Classfronter. Studentane vil vere i ein kontinuerleg arbeidsprosess, levere inn tekstar og få tilbakemeldingar på språk, struktur og innhald.
· To litterære oppgåver
· Ei oppgåve innanfor kulturkunnskap
· Ei skriftleg prøve (2 timar)
TY600 001 Presentasjonsmappe som skal innehalde 3 tekstar:
- ei skriftleg oppgåve basert på ein pensumtekst
- ei skriftleg oppgåve innanfor kulturkunnskap
- ei skriftleg prøve
Vekting 80% (intern sensor)
TY600 002 Individuell munnleg prøve.
- Samtalen tek utgangspunkt i tekstane i mappa og vert knytt opp mot sentrale delar av pensum.
Vekting 20% (intern sensor)
Pensum vert presentert ved studiestart.