TY601 Tysk 2: Didaktikk og klasseromsaktivitet

Studentane skal utvikle didaktisk og språkleg kompetanse gjennom å

-         tileigne seg kunnskap om kommunikativ framandspråkopplæring og utfordringane i ny læreplan

-         forbetre evna til å planleggje og gjennomføre kommunikativ språkundervisning i tysk

-         tileigne seg kunnskap om korleis ein styrkjer språklæringskompetansen hjå elevane

-         forbetre forståing av tekstar (skrivne tekstar, bilete, film, musikk) og muligheitene til

      bruk i klasserommet, også som utgangspunkt for arbeid med kulturkunnskap

-         reflektere over eigen praksis i lys av teoretiske utgangspunkt

-         forbetre den personlege, munnlege og skriftlege språk- og kommunikasjonsdugleiken

1 Didaktisk komponent

· Kommunikativ språkundervisning

· Kommunikasjonsaktivitetar i klasserommet

· Tekstar og tekstbruk i klasserommet, kulturforståing gjennom arbeid med tekstar

· Ny læreplan og 2. framandspråk

· Språklæringskompetanse

· Vurdering

· Planlegging, gjennomføring og evaluering av undervisningsopplegg

2 Språkleg/kulturell komponent:

· Øving i rett bruk av munnleg tysk

· Kunnskap i grammatikk og øving i skriftleg tysk

· Interkulturell kompetanse

· Barne- og ungdomslitteratur

Tysk vil vere undervisningsspråk. Studiet er nettbasert, og det vil bli om lag ei samling kvar månad. Undervisninga elles vil skje ved hjelp av kommunikasjon via Classfronter. På samlingane vil ein spesielt øve opp munnleg eigendugleik og demonstrere aktiviteter ein kan bruke med elevane.

Å utvikle fagdidaktisk kompetanse vert sett på som eit hovudmål, og gjennom heile studiet vil dette bli vektlagt. All litteratur vil bli diskutert på samlingane og på Classfronter. Studentane vil vere i ein kontinuerleg arbeidsprosess, levere inn tekstar og få tilbakemeldingar på språk, struktur og innhald.

Det vil vere praksis i eigen klasse eller ved eigen skule. Praksis skal gjere det muleg å gjennomføre eit utviklingsarbeid. Dokumentasjonen og evalueringa skal vere eit av elementa i mappa.

-         ei litterær oppgåve

-         ei fagdidaktisk oppgåve

-         eit undervisningsopplegg (demonstrasjon for medstudentane)

-         eit pedagogisk utviklingsarbeid (gjennomført i eigen klasse/skule), dokumentasjon og evaluering

TY601 001 Presentasjonsmappe som skal innehalde 3 tekstar:

      -     ei skriftleg oppgåve basert på ein pensumtekst

-         ei skriftleg oppgåve med ei fagdidaktisk problemstilling

-         eit pedagogisk utviklingsarbeid (gjennomført i eigen klasse/skule)), dokumentasjon og evaluering

Vekting 60% (intern sensor)

TY601 002 Individuell munnleg eksamen.

       -   Samtalen tek utgangspunkt i tekstane i mappa og vert knytt opp mot sentrale delar av pensum.

Vekting 40% (ekstern sensor)

Pensum vert presentert ved studiestart.