Valfritt emne 6. semester for bachelor i turisme og reiseliv.
Vår, 6. semester
Studentane skal tilegne seg inngåande kunnskap om strategisk marknadsplanlegging, marknads-føringsleiing og marknadsorientering innafor reiselivet.
Emnet byggjer vidare på obligatoriske marknadsførings- og organisasjonskurs for bachelor i reiseliv. I den nye fordjupingsretninga Marknadsføring og kundekontakt (frå hausten 2006) byggjer kurset på dei nye fordjupingsemna Marknadsanalyse og merkevarestrategi, Produkt- og reisemålsanalyse og Marknadskommunikasjon i reiselivet. For våren 2006 vil kurset tilpassast bakgrunnen i kursa OR665 Organisasjon og marknadsføring og RE643 Marknadsføring av reiselivsbedrifter.
Emnet vektlegg koplinga mellom marknads- og produkt/reisemålsanalysar som grunnlag for tilråding av marknadstiltak innafor ein strategisk marknadsplan.
• Strategisk marknadsplanlegging i reiselivet – heilskapleg tilnærming til bruk av marknads- og produktkunnskap, strategiutvikling, val av profil og tiltak, og måling av resultat
• Merkevarebygging og merkevarestrategi
• Marknadsføring i nye media og bruk av ny informasjonsteknologi i kommunikasjon og marknadsføring
• Case-studiar av heilskaplege marknadsstrategiar i reiselivsbedrifter, reisemål og reiselivsorganisasjonar
Ei meir detaljert beskriving av emna i kurset blir levert ut ved studiestart i januar 2006.
Førelesingar og oppgåveløysing.
Emnet inneheld 1 ekskursjonar på 1 til 2 dagar med obligatorisk deltaking.
Det skal leverast inn ei oppgåve til godkjenning. Oppgåva kan gjerast individuelt eller i grupper på inntil tre personar. Faglærar er ansvarleg for godkjenninga.
Innlevering av presentasjonsmappe same dag som skuleeksamen.
Skriftleg eksamen 6 timar.
Det blir gitt ein samla karakter.
Blir oppgitt ved studiestart i januar 2006