FP332 100 FAGLEG-PEDAGOGISK STUDIUM I TVERRFAGLEG ESTETISKE FAG (DRAMA, MUSIKK, FORMING/KUNST OG HANDVERK)

Studentane skal
- auke eigen fagleg- og didaktiske kompetanse i drama, musikk og forming
- utvikle forståing for, innsikt i og kunnskap om tverrfaglege arbeidsområde i drama, musikk og forming

Studiet er sett saman av fem hovudemne:
- Fagleg eigenutvikling gjennom skapande og teoretisk arbeid i faga
- Estetiske fag i pedagogisk arbeid med barn
- Den estetiske dimensjon i barnehage, skule og samfunn
- Prosjektarbeid og rettleiing
- Tverrfagleg arbeid

FØRSTE STUDIEÅR
1. semester: Barn, barndom og barnehage (3 sp)

• Barnet si estetiske utvikling

2. semester: Det leikande og skapande mennesket (12 sp)

• Song, leik, dans og samspel
• Symbol, bilete og visuelt språk
• Dramaturgi og forteljing

ANDRE STUDIEÅR
3. semester: Kultur og natur (14 sp)

• Folkemusikk, folkedans og folkekunst
• Estetiske fag i fleirkulturelt perspektiv
• Estetiske fag i det offentlege rom

TREDJE STUDIEÅR
5. semester: På veg til yrket (1 sp)

• Barns medverknad (drama)

Eitt emne kan arbeidast med i ulike semester.

Teoretiske og praktiske emne skal utfylle kvarandre. Teoretisk innsikt og eigenopplevd aktivitet skal danne grunnlag for studentane når dei sjølve skal planlegge, legge til rette, gjennomføre og vurdere kunstfaglege emne for barn. Tverrfagleg arbeid ligg til tema, og deler av undervisninga er fagundervisning som støtte for arbeid i temaet. Varierte arbeidsformer der mellom anna studentaktive og problembaserte læringsformer vil bli nytta. IKT vil inngå som ein naturleg del av studiet.

Materialavgift: Studentane må betale materialavgifta som er vedteken av avdelinga.

20 veker praksis integrert i fagstudiet over tre studieår. Sjå eigen plan for praksis.

- Det er obligatorisk oppmøte til delar av undervisninga. Kva delar dette gjeld skal gå fram av plan for semesteret/undervisningsplan.
- Praksis, førebuing og etterarbeid
- Oppgåver og skriftleg arbeid knytt til praksis
2. semester:
Tverrfagleg arbeidskrav:
- pbl-arbeid med tema: Leik (fysisk fostring, pedagogikk, estetiske fag)
Arbeidskrav i fag:
- Musikk/drama: Framsyning for born eller praktisk aktivitet med born
- Forming: Bilde med logg og portefølje

3. semester:
Tverrfaglege arbeidskrav:
- Barnas Dag og ei arbeidsoppgåve i gruppe (pedagogikk, KRL , samfunnsfag og musikk)
- Arbeid i gruppe, (KRL, naturfag og forming)
Arbeidskrav i fag:
- Musikk: Dokumentasjon av akkompagnementsspel, 5 songar der minst 3 ulike toneartar er representerte
- Forming: Skulptur med logg og portefølje
- Drama: planlegging og gjennomføring av eige dramaforløp i praksis

5. semester:
- Obligatorisk deltaking i fleirfagleg eller tverrfagleg arbeid

1. studieår: Vårsemesteret
FP332 101 Tverrfagleg estetiske fag: Praktisk skapande tverrfagleg prosjekt i gruppe
Tid: 4 dagar
Vekting: 30 %

2. studieår: Haustsemesteret
FP332 102 Tverrfagleg estetiske fag: Individuell, skriftleg heimeeksamen med ein del tverrfagleg og ein del i musikk, drama eller forming/kunst og handverk (studenten trekker fag)
Tid: 3 dagar
Vekting: 30 %

FP332 103 Tverrfagleg estetiske fag: Praktisk tverrfagleg prosjekt i gruppe
Tid: 5 dagar
Vekting: 40 %

Førebels pensumlitteratur :

Felleslitteratur for estetiske fag:

• Carlsen, Kari og Samuelsen, Arne Marius (1992) ”Inntrykk og uttrykk. Estetiske fagområder i barnehagen”. Ad Notam Gyldendal.

Litteraturliste kunst og håndverk

• Berit Slåttum (2006): ”Samtidskunst som kilde til skapende arbeid”. Det Norske Samlaget.
• Bjørn Sortland og Lars Elling (1993): ”Raudt, blått og litt gult”. Det Norske Samlaget.

Litteraturliste musikk:

• Lie, Jorunn B. (1998). Grip musikken. Oslo: Universitetsforlaget.
• Undervisningskompendium ALI 14/2003 – Song og musikkaktivitetar for førskulen og småskulen (red. Elizabeth Oltedal).

Litteraturliste drama:

• Sæbø, Aud Bergraf. Drama i barnehagen. Universitetsforlaget
• Lindkvist, Gunilla: Ensam i vida världen.

I tillegg til fastlagd pensum, skal studentane kvart år legge opp eit visst tal sider med sjølvvalt pensumlitteratur. Desse sidene skal godkjennast av faglærar. Endeleg litteraturliste skal ligge føre innan oppmeldingsfristen til eksamen. For haustsemesteret er denne fristen 15. september og for vårsemesteret 15. februar.