1. studieår, vår, blokk 1
Studentane skal kunne gjere greie for dei viktigaste biologiske og ikkje biologiske ressursane og prosessane i fjordar og hav. På basis av dette skal dei kunne gjere greie for økosystema og oppbygginga av næringsnetta i fjordar, Nordsjøen og Barentshavet. I tillegg skal studentane kunne gjere greie for rammevilkåra for oppdrett i marint miljø og grunnlaget for forvaltinga av nokre av ressursane i havet.
Emnet støttar seg på KJ415 og BI445.
Emnet legg hovudvekt på økosystema i fjordar, Nordsjøen og Barentshavet. Emnet handlar om dei fysiske, kjemiske, geologiske og biologiske forholda i desse systema. Biologidelen inneheld marin mikrobiologi, marinbiologi og fiskeribiologi. Det vert lagt vekt på faktorar som påverkar og styrer tilhøva i økosystema, og samspelet mellom de ulike faktorane. Det vert og førelese om effektar av forureining.
Fire veker med førelesingar, enkle demonstrasjonar, gruppearbeid og skriftleg innlevering. Ei veke med ekskursjonar (2 dagar) og rapportskriving. Ei veke med sjølvstudium.
2 ekskursjonar: ein strandekskursjon og eit besøkt til Akvariet i Balestrand.
Godkjend skriftleg innlevering og ekskursjonsrapport.
Skriftleg eksamen, 4 timar. Bokstavkarakter.
Tema gjennomgått i undervisinga. Forelesingsnotat, semesteroppgåver, ekskursjonsrapportar. Pensum elles vert oppgitt ved oppstart av emnet.