3. studieår, haust, blokk 2
Å kunne planleggje og utføre helsefremjande tiltak for akvatiske organismar i oppdrett på basis av kunnskap om helse- og miljøproblem knytt til dei viktigaste organismane i norsk akvakultur.
Emnet byggjer på BI411 Cellebiologi, genetikk og fysiologi og akvakulturemna tidlegare i studiet.
Sjukdom og helseproblem hos fisk i oppdrett. Generell patologi og mikrobiolog. Patologiske forandringar, stressreaksjonar og patogenese. Tydinga av arv, ernæring og miljøfaktorar for sjukdom. Fiskepatogene mikroorganismar, vekst, virulens og smittevegar. Infeksjonsforsvar. Diagnostikk, førebygging og behandling av sjukdom. Spesiell sjukdomslære. Viktige sjukdomar i norsk akvakultur, deira årsaker, kliniske symptom, diagnose og behandling. Lovgjeving knytt til fiskesjukdomar.
Fire veker med førelesingar og gruppearbeid. Ei veke med og seminar og laboratoriearbeid. Ei veke med sjølvstudium.
Godkjend rapport frå seminar og laboratoriearbeid.
Skriftleg eksamen 4 timar. Bokstavkarakter.
Vert oppgjeve ved kursstart.
Poppe, T. (Red.) 1999. Fiskehelse og fiskesykdommer. Universitetsforlaget. ISBN 82-00-12718-4