Emnet skal gje studentane auka kunnskap om og handlingskompetanse i arbeidet med enkeltpersonar, familiar og samarbeidspartnarar i høve til rusproblematikk. Ungdom og førebyggjande arbeid vil vere i fokus. Vidare skal studentane bli stimulert til auka etisk medvit, til fagleg og kritisk tenking.
Studentane må ha gjennomført Emne 1 av vidareutdanning rusproblematikk for å gå vidare med Emne 2.
Emnet er sett saman av tre undervisningsbolkar:
Delemne 1: Etikk og Jus. Samfunnsvitskapleg forskingsmetode (9 studiepoeng)
- Gjennomgang av etiske tenke- og handlingsmåtar knytt til moralfilosofien sine tradisjonar og retningar. Rolleetikk. Diskusjon av sentrale yrkesetiske dilemma i arbeidet med rusmisbrukarar.
- Forhold til eigen ruspraksis.
- Rusreforma, Trygderett, Lov om pasientrettar, Lov om sosiale tenester, Lov om barnevernstenester m.m.
- Samfunnsvitskapleg forskingsmetode, med vekt på kvalitativ tilnærming.
Delemne 2: Fordjuping og prosjektpraksis (10 studiepoeng)
- Prosjektpraksis. Fordjuping i eit sjølvvalt tema. Feltarbeid/observasjon/intervju og oppgåveskriving.
Delemne 3: Førebyggjande arbeid og behandling i nærmiljø (11 studiepoeng)
- Rusførebyggjande tiltak med fokus på barn og ungdom i små og mellomstore samfunn.
- Tiltak og behandling i nærmiljø.
- Kjønnsperspektiv
- Motivasjon/motstand.
- Nettverksarbeid og sjølvhjelpsgrupper. Individ og familiar.
Førelesingar, seminarundervisning, rettleiing og sjølvstudium i kollokviegrupper, oppgåveskriving.
1 veke prosjektpraksis (observasjon og intervju) i feltet.
Arbeidskrav er obligatorisk arbeid som må vere gjennomført og godkjent før ein framstiller seg for eksamen. Emne 2 har følgjande arbeidskrav:
- Skriftleg individuell oppgåve i juss/etikk. Omfang 6 sider.
- 80% frammøte til rettleiings/refleksjonsgruppene.
- 80% frammøte til undervisninga i samfunnsvitskapleg forskingsmetode.
- RP 510 102 Prosjektoppgåve i samband med prosjektpraksis (20-25 sider). Vekting 60 %.
- RP 510 101 Skuleeksamen, 6 timar indviduell. Vekting 40 %.
Pensum vert lagt fram ved semesterstart.