Namn på studiet
LÆRINGSSTRATEGIAR/TILPASSA OPPLÆRING 1, PE351
Studiepoeng
15
Organisering
Studiet er organisert som eit deltidsstudium over 1 år. Kurset vil veksle mellom felles samlingar, gruppesamlingar og nettbasert arbeid.
Kompetanse / formell grad
Kurset gjev 15 studiepoeng i ei vidareutdanning. Det er høve til å ta 15 studiepoeng til (emne 2), som byggjer på dette kurset.
Målgruppe
Lærarar på mellomsteget, ungdomssteget og i vidaregåande skule
Mål for studiet
Studiet skal gi grunnlag for å vidareutvikle lærarane sin didaktiske kompetanse i forhold til arbeid med ulike typar læringsstrategiar og tilpassa opplæring i skolen.
Studentane skal:
- Få innsikt i den praktisk-pedagogiske vektlegging av læringsstrategiar og tilpassa opplæring som finn stad i skular iNoreg og andre land.
- Få innsikt i nyare teoretisk grunnlag for utvikling av læringsstrategiar og tilpassa opplæring.
- Utvikle evne til å planlegge og leggje til rette for ulike læringsstrategiar og tilpassa opplæring i samarbeid med kollegaer, elevar og foreldre.
Opptakskrav / krav til forkunnskapar
Lærarutdanning (allmenn-, faglærar eller praktisk-pedagogisk utdanning). Studentar i allmennlærarutdanninga kan ta studiet som valfritt fag i 4.studieår.
Innhald / oppbygging
Vi legg vekt på at studiet skal vere aktuelt ved å ta opp nyare utviklingsarbeid og litteratur som gjeld grunnskule og vidaregåande skule.
Vi vil arbeide ut frå tre hovudtema:
|
LÆRING
|
UNGDOM
|
PEDAGOGISK UTVIKLINGSARBEID
|
|
Læringsstilar
Fleirintelligens
Differensiering og fellesskap
Lærings- og kunnskapsteori
Metakognisjon
Entreprenørskap
Elevmedverknad
|
Ungdomskulturar og skule
|
Planlegging, gjennomføring og dokumentasjon
Kollegasamarbeid
Utdanningspolitikk og læreplanar
|
Undervisnings- og læringsformer
Kurset vil veksle mellom felles samlingar, gruppesamlingar og nettbasert arbeid. Samanhengar mellom praksis og teori vil bli vektlagt gjennom heile studiet.
Pedagogisk utviklingsarbeid der ein prøver ut tema i studiet i eigen klasse undervegs i studiet.
Skulebesøk vil bli prioritert som læringsarena gjennom studiet.
Praksis
Lærarar som tek studiet og som er i arbeid, gjennomfører pedagogisk utviklingsarbeid i eigen klasse/ medstudent(ar) sin klasse.
Studentar som tek studiet som ein del av allmennlærarutdanninga skal ha rettleidd praksis tilsvarande 10 dagar. Praksisperioden treng ikkje takast samanhengande.
Arbeidskrav
Deler av undervisninga er obligatorisk. Kva deler dette gjeld går fram av semesterplanen.
Mål med arbeidskrava er å dokumentere kunnskap innafor sentrale tema i studiet. Arbeidskrava vil veksle mellom ulike dokumentasjonsformer og mellom individuelle og gruppebaserte arbeid.
Innhold: Utkast til og presentasjon av PU-arbeid, eitt notat om ungdom. Til saman 2 arbeidskrav.
Sluttvurdering
PE351 Ein fagleg rapport med utgangspunkt i praksisarbeidet (om lag 15 sider).
Vekting: 100%
Pensum
Pensumliste ligg føre ved studiestart.