Spel i skulen 1 - skapande arbeid med tekst, musikk og drama, KU301

Dagens barn og unge har spesielle utfordringar i å måtte møte og tilpasse seg nye situasjonar. Dei kreative evnene er blitt særleg viktige i det moderne samfunnet der problemløysing står på dagsorden gjennom heile utdanningsløpet, ute i arbeidslivet og i dei mellommenneskelege forholda. Skulen skal gje alle barn og unge høve til å utvikle dei skapande evnene sine, og til å oppleve og ta del i kreative aktivitetar som kunstnarleg uttrykk og middel til sjølverkjenning og kommunikasjon. Evna til å samarbeide og kome fram til felles løysingar blir utvikla gjennom tverrfagleg skapande arbeid med tekst, musikk og drama. Samstundes er slikt arbeid ei kjelde til glede og til oppleving av meining, identitet og kulturell tilhøyrsel.

I fagområda norsk, musikk og drama skal studentane tileigne seg praktisk og teoretisk kunnskap,praksiserfaring og didaktisk kompetanse for arbeid med barn og unge. Sjølvutvikling innan desse faga er like viktig som utvikling av den didaktiske kompetansen i tverrfagleg prosjektarbeid og skapande prosessar.

Studiet skal gje studentane røynsle og kompetanse som er nyttig når ein skal leie arbeid med skapande tekst, musikk og drama med barn.

Vidareutdanning, del av Spel i skulen 30 studiepoeng

Lærarar i grunnskule og vidaregåande skule, kultur- og miljøarbeidarar og allmennlærarstudentar 4. studieår

Studenten skal

• tileigne seg dugleik innan og kunnskapar om ulike sjangrar og uttrykksformer i litteratur, musikk og teater
• kunne leggje til rette for kreativ utvikling hjå barn og unge med ulike føresetnader og med ulik bakgrunn
• kunne planleggje, leie og vurdere tverrfaglege prosjektarbeid

lærarutdanning (allmennlærar, faglærar, praktisk-pedagogisk utdanning ellerførskulelærarar med fullført PAPS 1 og 2)

Studiet inneheld 4 hovudemne:

• Norsk – prosessorientert skriving, munnleg utøving og improvisasjon
• Musikk - skaping og utøving
• Drama – improvisasjon, dramaturgi og scenografi
• Fagdidaktikk – prosjekt som metode, skapande prosessar

Arbeidet med målområda skal sikre eit vekselspel mellom teoretisk kunnskap, praksiserfaring, studenten sitt eige arbeid, faglege oppgåver og didaktisk refleksjon. Ulike former for improvisasjon og bruk av kropp og stemme vil vere sentrale element i det faglege arbeidet.

Delemne

Norsk
Studenten skal arbeide med tekstar som kan egne seg for framføring. Dette vil inkludere tekstar frå ulike tidsepokar, sjangrar og nasjonalitet. Utgangspunktet er at einkvar tekst treng tolking og omarbeiding for å kunne framførast. Studenten skal og produsere eigne tekstar til framføring. Her vil det bli gitt respons undervegs i skriveprosessen.

Musikk
Studenten skal utvikle eigen kompetanse i musikkutøving ved å improvisere, komponere, framføre og vurdere ulike typar musikk og dans. Gjennom arbeid i studentgruppa og i praksis skal studenten opparbeide kunnskap for å kunne rettleie barn og unge i komponeringsprosessar, song og samspel.

Drama
Studenten skal arbeide med elementære improvisasjonsteknikkar og med samanhengen mellom spel, dramaturgi og sceniske løysningar. For å kunne rettleie barn og unge i dramatisk improvisasjon, spel og samspel, skal studenten opparbeide kunnskap om ulike dramatiske utrykksformer og sjangrar ein kan bruke i skulen.
Fagdidaktikk
Studenten skal ha innsikt i og kunne leggje til rette for medskapande prosessar med barn og unge. Studenten skal oggjennomføre eit større prosjektarbeid med barn, der det medskapande aspektet er ivaretatt gjennom heile prosessen.

Undervisninga vil gå føre seg i seminargruppe og basisgruppe og individuelt. Studiet er organisert slik at kvar einskild skal kunne få størst mogleg utbyte gjennom ulike gruppesamansetjingar, tilpassa opplæring, fritaksordningar osb.

Praksisrelaterte oppgåver
Gjennom praksisarbeid skal studenten få røynsle med tverrfagleg arbeid med tekst, musikk og drama og høve til å sjå og reflektere over skapande arbeid sin plass i skulen. Dette vil skje i samarbeid med andre studentar, faglærar og evt. øvingslærar. Studentane får høve til å prøve ut eigne opplegg eller deltek i planlegging og gjennomføring av eventuelle fellesopplegg.

Storparten av undervisninga er obligatorisk. Kva deler dette gjeld, går fram av semesterplanen.

• 6 mindre oppgåver fordelte på drama, musikk og norsk
• praksisrelatert oppgåve og rapport

Eit utval av arbeidskrava skal utgjere mappa. Sjå under sluttvurdering.

KU301 001 Gruppeeksamen i prosjekt med framføring
48 timar førebuing
Vekting 50%

KU301 002 Individuell mappevurdering
Vekting 50%
Innhald:
- eitt av arbeidskrava i kvart av faga norsk, musikk og drama

Førebels pensumliste skal vera klar ved studiestart. Endeleg pensumliste skal ligge føre innan oppmeldingsfristen til eksamen. For vårsemesteret er denne fristen 15.februar.