Study Programmes 06/07 / Courses / FACULTY OF TEACHER EDUCATIO... / NO350 600 NORSK 1, del 2 deltid  

NO350 600 NORSK 1, del 2 deltid

Kode
NO350 600

Namn
NORSK 1, del 2 deltid

Studiepoeng
10.00

Kategori
Obligatorisk fag i den 4-årige allmennlærarutdanninga. Heiltid og deltid. Rammeplan av 2003.

Tid
1. studieår. Del 2 går 2. semester saman med del 3.

Mål for emnet

Gje studentane innsikt i undervisningsfaget norsk slik det blir presentert i LP06. Gje studentane relevant fagkunnskap om språk, tekst og kultur og øve opp evna til fagdidaktisk refleksjon. Utvikle evna hjå studentane til å bruke språket munnleg og skriftleg. Lære studentane å bruke IKT som hjelpemiddel i undervisning

Innhald / oppbygging
  • Barne- og ungdomslitteratur og litteraturdidaktikk
  • Tekst og bilete på skjerm. Bruk av nettet
  • Vidare lese- og skriveopplæring
  • Munnleg bruk av språket
  • Elevtekstar med hovudvekt på mellomsteget
  • Sjangerlære
  • Språket som system/grammatikk

Samarbeid mellom fag og utdanningar:

  • Tema 7 IKT som hjelp til kommunikasjon og læring:

    - Tekst og bilete på skjerm: norsk

Undervisnings- og læringsformer

Undervisninga er organisert i regionale samlingar og lokale studiegrupper, med ulike undervisningsformer i dei ulike gruppene. På dei regionale samlingane blir det undervisning av faglærar.I dei lokale studiegruppene, som blir organisert geografisk, blir det studentaktive læringsformer: Førebuing av stoff, diskusjonar, skriving av oppgåver o.a.
Arbeid gjennom læringsplattform på nettet er sentralt i dette studiet, og deltaking i dette er såleis obligatorisk.

Praksis

Sjå studieplan for praksis.

Studieopphald i utlandet

Tilbod om nabospråksutveksling til Danmark eller Sverige innanfor NORDPLUSS-nettverket, ei veke. Det kan bli tilbod om dette i ein av dei tre delane.

Arbeidskrav
  • Det er obligatorisk oppmøte til delar av undervisninga. Kva delar dette gjeld, skal gå fram av undervisningsoversikt for studiet
  • Arbeid gjennom læringsplattform på nettet er sentralt i dette studiet, og deltaking i dette er såleis obligatorisk.
  • Ei samling tekstar i begge målformer. Desse blir for det meste organiserte som gruppeinnleveringar gjennom den lokale studiegruppa. Deltaking i desse gruppeaktivitetane er såleis obligatorisk.
  • Responsgjeving på gruppeoppgåver. Dei lokale studiegruppene skal gje tilbakemeldingar på arbeida til kvarandre. Arbeid med responsgjeving er obligatorisk.
 Sluttvurdering

NO350 600 Individuell, skriftleg eksamen
Eksamenstid: 4 timar
Målform: Motsett av del 1

Pensum

Førebels pensumliste skal ligge føre ved studiestart. Endeleg pensumliste skal ligge føre innan oppmeldingsfristen til eksamen. Pensumlistene ligg på norskseksjonen sine internettsider.