Deltid. Nettbasert studium med samlingar.
Studiet utgjer 30 studiepoeng og kan byggjast ut til årseining i engelsk. Studiet kan inngå som valfag i 4-årig allmennlærarutdanning.
– gje studentane faglege og pedagogiske føresetnader for å undervise i engelsk i norsk grunnskule med spesiell vekt på småskule og mellomtrinn
– tileigna seg kunnskap om språket og korleis det vert brukt
– tileigna seg kunnskap om engelskspråklege kulturar
– utvikla fagdidaktisk kompetanse i forhold til framandspråkopplæring
– stimulera til forsøks- og utviklingsarbeid
– gjera studenten i stand til å nytta Internett til læring og kommunikasjon
– tileigna seg kunnskapar, dugleik og haldningar som er tenleg for lærararbeid i engelsk
– utvikla sosial kompetanse og evne til å spreia språkglede og fagleg engasjement
– utvikla god personleg språkdugleik
Opptakskravet er fullført allmennlærarutdanning eller å vera lærarstudent i 3. eller 4. året eller realkompetanse
Engelsk vil verta brukt som undervisningsspråk i heile kurset. Metodikk/didaktikk vert integrert i alle modulane. Det vert lagt vekt på å utvikla eigenkompetansen til deltakarane gjennom heile kurset. IKT står sentralt i kursopplegget, og kommunikasjon utanom samlingane vil føregå ved hjelp av Classfronter. Det er planlagt ein studietur til York i veke 45 og 46 med kursopphald på Det norske studiesenteret i Storbritannia .
Studiet er sett saman av to emne, kvart på 15 studiepoeng.
Studiet er nettbasert, og det vil bli 4 samlingar i kvart semester. På samlingane vil ein spesielt øva opp munnleg eigendugleik og demonstrera aktivitetar ein kan bruka med elevane, men det vil også bli førelesingar om språk, litteratur og bakgrunnskunnskap. Resten av undervisninga vil skje ved hjelp av kommunikasjon via Classfronter og ved å levera inn oppgåver undervegs.
Bruk av språket vert sett på som eit hovudmål, og gjennom heile studiet vil dette verta vektlagt. All litteratur som er pensum vil bli diskutert og førelese om på samlingane. Det same gjeld tema frå samfunnskunnskap. Studenten må vera i prosess heile året og stadig levera inn tekstar i løpet av studiet, for å få tilbakemelding på språk, struktur og innhald.
Det vil vera praksis i eigen klasse eller gjennom øvingsskulen i emnet som vert undervist vår 2007. Denne skal resultera i eit pedagogisk utviklingsarbeid skal vera eit av elementa i mappa.
Obligatorisk deltakling på samlingane.
Det er krav om godkjende innleverte skriftlege arbeid i begge emna. Omtalen av arbeidskrava kan ein finna under emna.
Vurderingsordninga er i hovudsak mappevurdering. Krava om innhald går fram av omtalen av dei einskilde emna. Studenten må samle dei ulike arbeida sine i ei arbeidsmappe, og skal frå denne velja dei tekstane som han/ho ynskjer å ha i presentasjonsmappa. Fristar for desse oppgåvene/prøvane vert fastsette etter kvart. Ved mappeeksamen betyr dette at studenten må vera i prosess heile året og stadig levera inn tekstar og oppgåver.