Dei minste - 0-3 -åringar lærer gjennom kropp og samspel, PE336

Vidareutdanning for førskulelærarar/andre med treårig pedagogisk utdanning på høgskulenivå

Førskulelærarar og andre med treårig pedagogisk høgskuleutdanning

Utvikle studentane til å bli kompetente vaksne for små barn si utvikling og læring

Førskulelærarutdanning eller andre med treårig pedagogisk utdanning på høgskulenivå.

Studiet er sett saman av tre hovudemne:

Utvikling og læring gjennom sosialt samspel:
-kompetente vaksne
-kompetente barn og
-den lærande fellesskapen, samspel/læring barna imellom, småbarnskultur, små barns etikk.

Dei minste og fagområda:
- kompetente vaksne
- estetisk oppleving
- allsidig sansing
- rørsle, leik.

Dei yngste barna i samfunnet:
-Familiemønster og – relasjonar
- kvalitet i tilbodet for dei minste inkludert barnehageformer/-organisering
- debatt knytt til små barn i barnehage.

Studiet er organisert med samlingar, individuelt arbeid og lokale studiegrupper. Aktuelle arbeidsformer på samlingane er førelesingar, arbeid og øvingar individuelt og i mindre grupper. Teoretiske og praktiske emne skal utfylle kvarandre. Teoretisk innsikt og eigenopplevd aktivitet skal danne grunnlag for studentane når dei sjølv skal planlegge, legge til rette, gjennomføre og vurderer pedagogisk arbeid med små barn, ute og inne. Varierte arbeidsformer med mellom anna studentaktive læringsformer individuelt og i gruppe vil bli nytta.

Mellom samlingane føreset vi aktiv bruk av studentgruppene og førelesingane vil i stor grad leggje til grunn at det vert arbeidd etter ein plan mellom samlingane. Arbeidsformene på samlingane, i lokale grupper og individuelt byggjer på at IKT vert nytta aktivt som kommunikasjons- og informasjonskanal og som læringsverktøy. IKT skal understøtte læringa og auke samhandlinga mellom studentane på felles- og gruppesamlingar, mellom studentar og faglærarar (informasjon, dialog og rettleiing). Internett må dessutan nyttast til å innhente relevant informasjon og kunnskap.

-Obligatorisk oppmøte og deltaking på samlingane og arbeid i lokale grupper
-Fire arbeid mellom samlingane
-Individuell portefølje i musikk

PE336 Mappe
-Gruppe: Vurderings- og refleksjonsnotat ut frå gjennomført tverrfagleg praktisk arbeid. Omfang 4-6 sider
-Individuelt: Teoretisk oppgåve ut frå eigenvalt problemstilling knytt til eitt av dei to første hovudområda i studiet. Omfang 6-8 sider.
-Individuelt: Notat med eigne refleksjonar og læringserfaringar knytt til studiet. Omfang 3-5 sider.
Vekting: 100%

Førebels pensumliste skal ligge føre ved studiestart. Endeleg pensumliste skal ligge føre innan oppmeldingsfristen til eksamen. For haustsemesteret er denne fristen 15. september og for vårsemesteret 15. februar.